Ысык-Көлдө калың кардан келтирилген чыгым 17 миллион сомдон ашты
Өзгөчө кырдаалдар министрлиги билдиргендей, калың кардан аталган облустун Ак-Суу, Тоң, Ысык-Көл, Түп райондору зыян тартты.
Акыркы маалыматтарга караганда, Ысык-Көл облусу боюнча жалпы 36 жылкы, 4 кулун, 45 уй, 4 музоо жана 2446 баш кой кырылды.
Ысык-Көл облусунда 23-24-майда 50 сантиметрге чейин жеткен кар жааган. Андан келтирилген чыгымдын так саны эсептелип бүтө элек.
Нарын облусунун Ат-Башы районунда да калың карда 800 кой-эчки жоголгон. Жандыктардын 215инин өлүгү табылган, 100дөн ашыгы изделип жатат.