Менталдык арифметика жарышында кыргызстандык балдар биринчи орунду алды
1-3-июнь күндөрү көл жээгинде менталдык арифметиканын FOC форматы боюнча (Fast Oral Count — оозеки тез эсептөө) II эл аралык сынагы болду. Ага Кыргызстан, Казакстан, Тажикстан жана Орусиядан келген 4 жаштан 16 жашка чейинки балдар катышты.
Кыргызстандык катышуучулар экранга чыккан үч орундуу сандарды эң көп дегенде бир, эң аз дегенде 0,2 секундада кошуп-кемитишти.
Таймашта 18 топтом алтын, 30 күмүш жана 48 коло медал ойнотулду.
Жалпы командалык эсепте Бишкектеги "Интеллект" борборунун балдары биринчи орунду ээледи. Казакстандан келген Lets жана "Акменар" тобу экинчи орунду алышты. Үчүнчү орунга казакстандык Uniquekids менен кыргызстандык "Звездочки" борборунун балдары ээ болушту.