Албек Ибраимов УКМКга сурак берип чыкты
"ТНК Дастан" ишканасындагы мыйзам бузууга байланыштуу шек саналып жаткан Бишкек шаарынын мэри Албек Ибраимов Улуттук коопсуздук боюнча мамлекеттик кызматка (УКМК) бүгүн сурак берип чыкты.
Факты боюнча 30-майда Кылмыш-жаза кодексинин 171-беренеси ("Кызмат абалын пайдалануу менен ишенип берилген мүлктү өзүнө ээлеп алуу жана коротуу") менен кылмыш иши козголгон.
Тергөөнүн материалдарына ылайык, 2012-жылы “ТНК Дастан” жана “Дастан Инжиниринг” ишканаларынын ортосунда буюм сатып алуу үчүн түзүлгөн келишимдин баасы атайылап жогорулатылып, мамлекетке ири өлчөмдө зыян келтирилген.
Кылмыш иши козголгондон кийин Ибраимов мекеме-ишканаларды текшерүү туура экендигин, чындыкты тергөө аныктаарын билдирген.
Ал сөз болуп жаткан ишкананы 2011-2012-жылдары башкарган. (SE)