Түркия: абакта отурган президенттикке талапкер элге кайрылды
Мыйзамга ылайык, президенттикке талапкерге коомдук телеканалдан 20 мүнөт убакыт бекер берилет. "Элдик демократиялык" партиянын мурдагы тең төрагаларынын бири Демирташ 2016-жылдын ноябрынан бери абакта отурат. Ага “күрд согушкерлери менен байланышта” деген айып тагылган.
Партия болсо лидери эч кандай мыйзамга туура келбеген иш жүргүзбөгөнүн билдирип, Демирташтын камалышын “оппозицияга кысым көрсөтүү” аракети катары баалаган.
Демирташ 24-июнда өтчү шайлоодо элди “бир кишинин бийлигин токтотууга” үндөп, Түркиядагы азыркы кырдаалды “кинонун башталышы” деп атап, “тасманын коркунучтуу бөлүгү алдыда” деп эскертет.
Түркиянын күртчүл Элдик-демократиялык партиясы 2015-жылдагы парламенттик шайлоодо 10% чектен өтүп, өлкөнүн тарыхында биринчи жолу парламентке келген.