"Талибан" кандуу чабуулдарын улантууда
Коопсуздук күчтөрүнүн он төрт өкүлү жана эки жайкын тургун Багдис провинциясында каза тапты. Ал эми Кандагарда "Талибандын" барымтасындагы 33 курулушчуну бошотуу аракети учурунда полициянын төрт офицери өлтүрүлгөн.
Бүгүнкү чабуулдар "Талибандын" эки күн мурда башталган кеңири чабуулунун бөлүгү сыяктанат, андан Ооганстандын бир нече провинциясында коопсуздук күчтөрүнүн кеминде 87 өкүлү мерт болду.
Ооган өкмөтү Айт майрамынын алдынан башталган утурумдук элдешүүнүн убактысын он күнгө узартканы менен "Талибан" аны 17-июндун түнүндө токтотуп койгон. (UE)