Маданият тармагында сыйлык берүү кеңешмеси ачык өттү
Маданият, маалымат жана туризм министрлигинде мамлекеттик сыйлыктарды берүүгө багытталган кеңешме журналисттердин катышуусу менен биринчи жолу ачык өттү. Мындай аракет сыйлык тапшыруу жаатында ачыктыкты камсыз кылуу жана коррупциялык көрүнүштөрдү жок кылуу максатын көздөйт. Быйыл аталган министрликке өкмөттүк сыйлыктарды алуу үчүн 367 сунуш түшкөн. Бирок анын ичинен 70 адам тандалып алынат.
Президиумдун 17 мүчөсү кеңешкенден кийин купуя добуш берүү менен сыйлыкка татыктуулар тандалып, Президенттик иш башкармалыкка караштуу атайын комиссияга сунушталат.
Министр Султан Жумагулов быйыл элеттик кол өнөрчүлөргө көңүл бурууну үгүттөгөнү менен элеттен сыйлык сурагандар болбогонун билдирди. (BCh)