Кыргызстандагы алгачкы хирург аял Какиш Рыскулова дүйнөдөн кайтты
Эмгек сиңирген дарыгер, медицина илимдеринин доктору Какиш Рыскулова 1918-жылы 15-октябрда Кант шаарынын Четинди айылында төрөлгөн. Ал атасынан эрте ажырап, коомдук ишмер Ишеналы Арабаевдин колунда тарбияланган. Рыскулова 1944-жылы Кыргыз мамлекеттик медициналык институтун аяктаган. Ал узак жылдар бою медицина тармагында үзүрлүү эмгектенген. Ошондой эле коомдук-саясий иштерге жигердүү аралашып, үч жолу Кыргыз ССРнин Жогорку Советине депутат болуп шайланган. (TSh)