Пашиняндын блогу 133 орундуу парламентте 88 мандат алды
9-декабрда өткөн парламенттик шайлоого тогуз партия жана эки саясий блок ат салышкан. Беш пайыздык босогону алардын үчөө гана өтө алды. "Менин кадамым" бирикмесинен тышкары, бизнесмен Гагик Царукяндын "Гүлдөгөн Армения" партиясы 26 мандатка, ал эми саясатчы Эдмон Марукян жетектеген "Жаркын Армения" партиясы 18 орунга ээ болду.
Мурдагы парламентте көпчүлүктү түзүп турган экс-президент Серж Саргсяндын Армения Республикалык партиясы беш пайыздык босогодон өтпөй калган. Ал шайлоодо 4,7% гана добуш алып калган.
Арменияда премьер-министр Никол Пашинян баштаган оппозициялык күчтөр бийликке быйыл жаздагы элдик толкундоолордон кийин келген.