Новости за 19.07.2019

Косовонун премьер-министри Рамуш Харадинай Гаагадагы эл аралык сот аны аскер кылмыштарын жасоого шектүү катары чакыргандан кийин жума күнү кызматынан кетерин жарыялады. «Мен Косово Республикасынын премьер-министрлик кызматынан кетип жатам. Мен сиздерге ишеним көрсөтүп, колдогонуңуздар үчүн ыраазычылык билдирем. Менин кызматтан кетүүмө Гааганын атайын комиссиясынын шектүү катары чакыруусу себеп болду», - деди ал Приштинадагы өкмөттүн жыйынында. Рамуш Харадинай 1998-1999-жылдары Косовонун боштондук... Читать дальше...

Вашингтон ирандык учкучсуз аппаратты атып түшүргөнүн билдирсе, Тегеран бул кур доомат экенин айтууда. Жекшембиде Украинада парламенттик шайлоо өтөт. Сурамжылоо президент Зеленскийдин партиясы алдыда баратканын көрсөттү. Тажикстан Ирактан алып келген ондогон балдарды убактылуу санаторийге жайгаштырды. Швейцарияда кыргызстандык илимпоз Жеңишбек Жакыпов жана анын командасы кумурска сыяктуу, куткаруучу боло ала турган роботторду ойлоп табышты.

"Азаттык+" бул жолу абактагы өспүрүмдөрдүн аянычтуу тагдыры тууралуу тасма даярдады. Жаштайынан кылмышка аралашып, түрмө көргөн балдардын арасында ыр жазгандар, коён баккандар, устачылыкка кызыккандар да бар. Алардын үмүтү, өкүтү, кыялын жарым сааттык берүүбүздөн көрүңүз.

Биринчи май райондук соту мурдагы судья Элвира Жаркеева баштаган алты кишиге тиешелүү кылмыш ишти кароону улантты.

Саламаттык сактоо министрлиги Ооганстан боюнча швециялык комитет өлкөдөгү медициналык борборлорун кайра ачканын кабарлады. Ооганстанда узак жылдар бою иштеп келе жаткан уюм «Талибан» кыймылынын коркутканына байланыштуу 17-июлда Майдан-Вардак провинциясындагы 42 медициналык борборун жапкан. «Бактыга жараша, Майдан-Вардак провинциясында жабылган бардык 42 мекеме бүгүн ишин кадимди тартипте жандандырды», - деди Саламаттык сактоо министрлигинин өкүлү, доктор Вахидулла Майар. Ооганстан боюнча швециялык... Читать дальше...

Мурдагы президент Алмазбек Атамбаев үчүнчү жолу суракка баруудан баш тартты.

Гибралтардын Жогорку Соту ушул айдын башында кармалган Иран кемесинин камак мөөнөтүн дагы 30 күнгө узартты.  Бул тууралуу Гибралтардын башкы министри Фабиан Пикардо билдирди. Ал мунай танкерин бошотуу боюнча бардык укуктук талаптарды сактоо аркылуу Иран менен конструктивдүү сүйлөшүүгө даяр экенин билдирди. Пикародо мунай танкеринин кармалышынын тегерегиндеги чыңалууну азайтуу үчүн Ирандын тышкы иштер министри Мухаммад Жавад Зариф менен ушул жумада Лондондо жолукканын жана сүйлөшүү оң маанайда өткөнүн кошумчалады. Читать дальше...

Кыргызстандык спортчулар Чехияда өтүп жаткан "SKIF world championship - 2019" аталышындагы каратэ боюнча мелдешке катышууда. Бул тууралуу "Азаттыкка" катышуучулардын бири Мирлан Утуров билдирди. Маалыматка караганда быйыл 13-жолу өтүп жаткан турнирге 52 мамлекеттен 2000ге жакын спортчу катышууда. Үч жылда бир өтүп келген турнирге Кыргызстандан 11 жаштан 65 жашка чейинки курактагы 25 спортчу барган. Бүгүн башталган мелдеш 21-июлда жыйынтыкталат.

2014-жылы өткөн Биринчи дүйнөлүк көчмөндөр оюндарында Чолпон-Ата шаарындагы ипподромду оңдоо ишинде коррупцияга аралашкан деген негизде Улуттук оюндар борборунун мурдагы жетекчиси Алмаз Касенов сегиз айдан бери камакта отурганы маалым болду. Бул тууралуу “Азаттыкка” анын адвокаты Майрамбек Жумабеков 19-июлда билдирди. Анын айтымында, Касенов 2018-жылдын 21-декабрында камакка алынган. Учурда Бишкектеги №1 убактылуу тергөө абагында кармалып турат.  Касеновго Кылмыш-жаза кодексинин “Кызмат абалынан кыянаттык менен пайдалануу”... Читать дальше...

Бишкек мэри Азиз Суракматов көп орундуу, газ менен жүрө турган автобустарды алып келүү боюнча Түркиянын “Анадолу групп” холдингинин башчысы Тунжай Өзилхан менен сүйлөшүү жүргүздү. Бул тууралуу мэриянын басма сөз кызматы кабарлады. Тараптар Стамбул шаарында меморандумга кол койду.  “Байлыгы 1,6 млрд. долларга бааланган түркиялык ири ишкер Тунжай Өзилхан Бишкек мэриясына заманбап, көп орундуу автобустарды алууга 15 жылдык мөөнөт менен жылдык үстөгү 1,7% болгон жеңилдетилген насыя берүүгө ниеттенүүдө”, - деп жазды мэриянын басма сөз кызматы. Читать дальше...

Баткен облусунун борборунан Зардалы айылына чейин 130 чакырым жол жүрүү керек. Зардалыга эки жол барат. Бири - бийик тоолорду аралап өткөн машине жолу. Ал үч-төрт ай гана ачык болот. Анүстүнө жол кире кымбат. Айылдан Баткенге бара турган киши 500 сом төлөшү керек. Ушундан улам Зардалынын жашоочулары көбүнчө жар бойлоп кеткен жалгыз аяк жол менен каттоого аргасыз. Бул жолдо жүктү эшек менен гана алып өтүүгө болот.

Ирактын Курдистан аймагынын жергиликтүү бийлиги Эрбиль шаарындагы түрк дипломаттарынын өлтүрүлүшүн “террордук акт” деп атап, анын алдын-ала пландаштырылган аракет болгонун билдирди.

Марокко десе чөлдү элестеткен, жамынып-чүмкөнгөн шарты катаал турмушта жашаган байыркы араб өлкөсүн элестеткендер жок эмес.

Ушул жумада Европа Комисиясынын башчылыгына шайланган Урсула фон дер Ляйен Евробиримдиктин Орусияга байланыштуу санкциялык саясатын колдой турганын билдирди. «Күч позициясынан алганда биз санкцияларды колдоп, ошол эле кезде диалогду сунушташыбыз зарыл» деди Ляйен. Ал «Кремль эч бир алсызды аябайт» жана «Биз Москванын кас саясатына күбө болуп келе жатабыз» деп да кошумчалаган. Германиянын коргоо министри кызматын аркалап келген Урсула фон дер Ляйен Европа Биримдигинин жогорку аткаруу органы саналган... Читать дальше...

Нидерланддын Жогорку соту 1995-жылдагы Босниядагы урушта Сребреницада 350 мусулман эркектин өлүмү үчүн Нидерланд дагы жоопкер деген буга чейинки сот чечимин күчүндө калтырды. 19-июлдагы соттун токтомунда голландиялык бейпилдик күчтөрү эвакуация учурунда мыйзамсыз аракеттенген жана Сребреницадагы жалпы кыргындын 10 пайызы үчүн жоопкер экенин белгилеген. 1995-жылы 13-июлда Бириккен Улуттар Уюмунун голландиялык бейпилдик күчтөрү жергиликтүү эл олуттуу зордук-зомбулукка жана өлүмгө кабылышы мүмкүн экенин билсе да... Читать дальше...

Кыргызстандын мамлекеттик жана саясий ишмери Турдакун Усубалиевдин 100 жылдыгын утурлай Нарын шаарындагы Ленин көчөсүнө, борбордук аянтка жакын жерге баннер илинген. Анын сүрөтү социалдык тармактарга жарыяланып, сүрөттөгү киши Усубалиев эмес экени талкуу жараткан. Ушундан кийин Нарын шаардык мэриясы сүрөттү алмаштыруу боюнча “Таза-Нарын” муниципалдык мекемесине тапшырма берди. Жаңылып илип алгандарга тартиптик жаза көрүлөрүн мэриянын басма сөз катчысы Назгүл Мүсүралиева билдирди. “Турдакун Усубалиевге 100 жыл” деп жазылып... Читать дальше...

18-июлда Санкт-Петербург шаарында жолуккан Орусиянын президенти Владимир Путин менен Беларустун мамлекет башчысы Александр Лукашенко «Союздук мамлекет» келишиминин алкагындагы интеграцияны талкуулады. Орусия менен Беларустун ортосундагы “Союздук мамлекет түзүү” келишимине 1999-жылы кол коюлган, бирок азыр ал кагаз жүзүндө гана калып келет. Акыркы айларда Путин менен Лукашенко аталган өнөктөштүк тууралуу бир канча жолугушуу өткөрүп, анда интеграция тең укуктуу болушу зарыл экенин айтышкан. ... Читать дальше...

Ош облусуна караштуу Өзгөн районунун тургуну төрөлгөнүнө бир ай болгон ымыркайын сатууга аракет кылган. Бөбөк 30 миң сомго бааланган. Бул тууралуу “Азаттыкка” Ош шаардык милициясынын басма сөз катчысы Абсатар Тавакалов билдирди. Анын айтымында, кармалган ата кызын сатуу үчүн кардар издеп жүргөнү тууралуу маалымат 15-июлда келип түшкөн. Соттун чечими менен ал эки ай үй камагына чыгарылды. Маалыматка караганда, ымыркай 25-июнда төрөлгөн. Ал жубайы менен жарандык никеде жашаган. Бул факт Кылмыштар... Читать дальше...

Кыргызстанда 20-июлда Ысык-Көл, Нарын облустарынын кээ бир райондорунда, Чүй, Ош, Жалал-Абад облустарынын тоолуу райондорунда өткүн өтүп, күн күркүрөйт. Калган аймактарда жаан-чачын жаабайт. Түштүк-чыгыштан соккон шамалдын ылдамдыгы секундасына 4-9, кээ бир райондордо 15-20 метрге жетет. Абанын температурасы: Чүйдө түнкүсүн 19…24, күндүз 33…38; Таласта түнкүсүн 15…20, күндүз 32…37; Баткенде, Ошто, Жалал-Абадда түнкүсүн 20…25, күндүз 34…39; Ысык-Көлдө түнкүсүн 12…17, күндүз 27…32; Нарында түнкүсүн 9…14... Читать дальше...

Сузак райондук соту 15-июлда Жогорку Кеңештин мурдагы депутаты Музаффар Исаковду жана аны менен кошо айыпталып, беш жылга соттолгон эки адамдын бөгөт чарасын карап, үй камагына чыгарды.

АКШнын Киевдеги атайын өкүлү Курт Волкер Орусиянын Украинанын Донецк жана Луганск облустарынын жашоочуларына орус жарандыгын жөнөкөйлөштүрүлгөн жол менен берүү тууралуу буйругу аймактагы беш жылга созулган куралдуу жаңжалды токтотуу аракеттерине карама-каршы келет деп эсептейт. Бул тууралуу ал 18-июлда “Твиттердеги” баракчасына жазды. “Орусия Минск келишиминдеги милдеттенмелерин аткарышы керек”, - деди Волкер. Украинанын чыгышындагы жаңжалды токтотууга багытталган Минск келишими 2015-жылы түзүлгөн. Читать дальше...

Президент спортчу Колпакованын жеңиштери жаштарды жогорку ийгиликтерге жетишүүгө чакырарын кошумчалады.

Иран АКШнын аскер кемеси стратегиялык Ормуз кысыгында алардын учкучсуз учагын атып түшүргөнүн четке кагууда. Ирандын тышкы иштер министринин орун басары Аббас Аракчи 19-июлда «Твиттерге» «Тегеран Ормуз кысыгында же дагы башка бир жерде пилотсуз учагын жоготпогонун» жазды. АКШнын президенти Дональд Трамп 18-июлда АКШнын аскер кемеси Ормуз кысыгында Иранга таандык пилотсуз учак бир канча эскертүүгө карабастан аскерлерге коркунуч жаратып, 900 метр жакындап келгенде атып түшүрүлгөнүн маалымдаган. Читать дальше...

Ирандын гүл жана өсүмдүк өндүрүү боюнча бирикмесинин төрагасы Голамали Эбрахими Иран гүл өндүрүшү боюнча дүйнөдө он жетинчи орунда турарын билдирди.

Өзгөчө кырдаалдар министринин кеңешчиси Нурбек Жолборсовдун иши Кылмыш-жаза кодексинин 319-беренеси  - "Коррупция" боюнча сотко чейинки өндүрүшкө алынды. Бул тууралуу Башкы прокуратуранын басма сөз кызматы билдирди.  "Сотко чейинки өндүрүш 20-июнда ачылган. Жолборсов 6-июлда кармалган",- деди прокуратуранын өкүлү.  Болжолдуу маалыматтарга караганда, Жолборсовдон уран калдыктарын зыянсыздандыруу боюнча тендерге байланышкан 146 миң доллар табылганы айтылууда. Прокуратура бул маалыматты бышыктай... Читать дальше...