Новости за 18.03.2022

АКШнын президенти Жо Байден менен Кытайдын лидери Си Цзиньпин видео байланыш аркылуу сүйлөшүп, Орусиянын Украинага кол салышы жана ага карата Бээжиндин позициясы жөнүндө сөз кылышты. Ак үйдүн маалымдашынча 18-марттагы сүйлөшүү эки саатка жакын убакытка созулду. Сүйлөшүүнүн башка деталдары айтылган жок. Анын алдында АКШнын мамкатчысы Энтони Блинкен брифинг учурунда Байден сүйлөшүүдө “эгер Кытай орус агрессиясына колдоо көрсөтсө анын арты оор болорун" эскертмек деп айткан. Кытайдын тышкы иштер... Читать дальше...

Москва шаарындагы "Лужники" стадионунда Крымдын жана Севастополдун аннексияланышынын сегиз жылдыгына карата митинг-концерт өттү. Алып баруучулар ал окуяны “өзүнүн түпкү тамырына кайтуу” деп чечмелеп жатышты. Концерттин алып баруучулары Орусия азыр Украинага жасаган чабуулу жөнүндө да сөз кылып, аны “согуш” деп атабай, “атайын операция” деп комментарийлеп жатышты. Алар орус аскерлери Украинада “нацизм” менен күрөшүп жатканын айтышты. Иш-чарада Донецкидеги жикчилдердин талаа командири, каза болгондон... Читать дальше...

Украинадагы согуштун жана Орусияга киргизилген санкциялардын кесепети тууралуу Эл аралык валюта фондунун Жакынкы Чыгыш жана Борбор Азия боюнча департаментинин башчысы Жихад Азур "Азаттыкка" маек курду.

Украинада Львов шаарына сокку урулууда. Чабуул Киевде да күч алды. Оштогу Карл Маркс орто мектебинин эки окуучу кызы көп кабаттуу үйдөн бой таштады. Улуу Британия кыргызстандык эмгек мигранттарына эшигин ачты.

Улуттук коопсуздук комитети (УКМК) Жогорку Кеңештеги "Бүтүн Кыргызстан" фракциясынын лидери Адахан Мадумаров баштаган айрым депутаттарды жасалма дипломдорду аныктоо өнөктүгүнө шек келтирип жатат деп айыптады. Атайын кызмат жогорку билими тууралуу жасалма документ алып жүрөт деп шектелгендердин арасында аталган партиянын тизмеси менен шайлоого барган кээ бир талапкерлер бар экенин айтып, аты-жөнүн жарыялады. Мунун алдында Башкы прокуратуранын өкүлдөрү тергөөнүн кызыкчылыгы үчүн кимдир бирөөнүн ысымы ачык аталбасын билдирген. Читать дальше...

Март айынын биринчи жарымында мурдагы жылдын ушул мезгилине салыштырмалуу Орусиядан Өзбекстанга акча которуу кескин кыскарды. Бул тууралуу Өзбекстандын Борбордук банкынын төрагасы Мамаризо Нурмуратов журналисттерге билдирди. Ал муну кризис маалында мигранттар акча жөнөтө албай жатышы мүмкүн деп түшүндүрүп, бирок сумманы так атаган жок. 2021-жылы эмгек мигранттары Өзбекстанга жалпы 8,1 млрд. доллар которгон. Дүйнөлүк банктын эксперттери Орусиядагы экономикалык кырдаалга байланыштуу 2022-жылы бул сумма 21% кыскарышы мүмкүндүгүн билдирген. Читать дальше...

"Унаа" мамлекеттик мекемесинде оң рулдуу унааларды каттоо фактысы боюнча кызматтык иликтөө башталганын Ички иштер министрлигинин басма сөз кызматы билдирди. Маалыматка караганда, унааларды каттоо боюнча социалдык тармактарга чыккан 40ка чукул материалдардын негизинде алардын мыйзамдуулугун аныктоо үчүн атайын комиссия түзүлдү. "Комиссия оң рулдуу же шектүү транспорт каражаттарын каттоодо же кайра каттоодо мыйзам бузуу фактыларын иликтеп, аныкталган фактылардын жыйынтыгын укук коргоо органдарына өткөрүп берет", - деп айтылат маалыматта. Читать дальше...

Болгария өлкөдөгү орус дипломатиялык өкүлчүлүгүнүн 10 кызматкери персона нон-грата деп жарыяланды. Бул тууралуу Болгариянын Тышкы иштер министрлиги кабарлады. Өлкөдөн чыгып кетүү үчүн аларга 72 саат берилди. Азырынча кайсы рангдагы дипломаттарды кетирүү пландалып жатканы белгисиз. Болгар сырткы саясат мекемеси өз маалыматында алар “дипломатиялык макамга шайкеш келбеген аракеттери үчүн” кетирилерин маалымдады. Адатта мындай мүнөздөмө чалгындоо иштерине шектелген дипломаттарга карата колдонулат. Читать дальше...

17-мартта түшкөн кар көчкүгө байланыштуу Бишкек-Нарын-Торугарт автожолу убактылуу жабык, качан ачылары белгисиз. Учурда техника карды тазалап жатат. Нарын облусунун үч району менен автоунаа каттамы токтоп турат.

Министрлер кабинетинин төрагасы Акылбек Жапаров Жалал-Абад облусундагы бир катар алтын кендерине барды. Өкмөттүн басма сөз кызматы билдиргендей, Жапаров Иштамберди кенин иштетип жаткан "Фул Голд Майнинг Компани" жабык акционердик коомунун учурдагы ишмердүүлүгү жана өнүктүрүү пландары менен таанышты. Ишкана жумушчулардын 91% жергиликтүү тургундар экенин билдирди. Министрлер кабинетинин башчысы ишкананын жетекчилери менен пикир алышуусунда жумушчулардын эмгек акысын жогорулатуу, турмуш-тиричилик шарттарын жакшыртуу... Читать дальше...

Баткен облусундагы Исфана шаарынын аталышы Раззаков болуп өзгөртүлдү. Тиешелүү мыйзамга президент Садыр Жапаров 18-мартта кол койду. Исфана шаарына мамлекеттик ишмер Исхак Раззаковдун атын ыйгаруу тууралуу мыйзам долбоорун Жогорку Кеңеш 16-марттагы жыйынында дароо үч окууда кабыл алган. Раззаков шаары - Баткен облусундагы Лейлек районунун борбору. Үч тарабынан Тажикстан менен чектешет. 2009-жылдагы эл каттоонун жыйынтыгына ылайык шаарда 30 миңге жакын эл жашайт. Белгилүү мамлекеттик ишмер,... Читать дальше...

Германиянын канцлери Олаф Шольц Орусиянын президенти Владимир Путин менен 18-мартта телефондон сүйлөшүп, дипломатиялык чечимдерди камсыздоо  жана гуманитардык кризисти алдын алуу үчүн Москваны Украинага чабуулун токтотууга чакырды. Шольцтун кеңсесинин билдирүүсүндө эки лидер “Украинада уланып жаткан согушту токтотуу жөнүндө” дээрлик бир саатча сүйлөштү. Телефондук байланыштын мындан башка деталдары айтылган жок. Кремль өз билдирүүсүндө “орус тарап өз принциптеринин алкагында чечимдерин издөөгө даяр экендигин айтты” деп кабарлады. Читать дальше...

Көзү азиз Нурбек Жаниев Ошто укалоочу болуп иштейт. Жубайы беш жыл мурда оорудан каза болуп калган. Ошондон бери ал балдарынын түйшүгүн жалгыз тартып келатат.

Ички иштер министрлиги акыркы эки айда эле каржылык пирамидаларды уюштуруу боюнча 111 иш козголуп, 91 иш соттун кароосуна жиберилгенин маалымдады. Анын кесепетинен 133 адам жабыркап, алардын тарткан зыяны 61 миллион сомдон ашкан. "Шарты жеңил дегенине кызыкканбыз" Базарда соода кылып иштеген Айзада Ырысдөөлөтова үй алуу үчүн S-LINE кооперативине мүчө болгон. Ош шаарынан батир алуу үчүн мүчөлүк акыга 218 миң сом, турак жайдын алгачкы 25 пайыздык төлөмү катары 750 миң сом төккөн. Келишим боюнча 2021-жылы апрелде анын кезеги жетип... Читать дальше...

Бишкек-Ош  жолунун "Сосновка" постунда жана Өтмөк ашуусунда оор жүк ташуучу автоунаалардын өтүүсүнө чектөөлөр киргизилди. Чектөө аба ырайы калыбына келгенге чейин болот. Бул тууралуу Жол коопсуздугун камсыздоо башкармалыгынын басма сөз кызматы билдирди. Маалыматка караганда, учурда Төө-Ашуу жана Өтмөк ашууларынын айланасындагы жолдордо кар калың жаап жатат. Ашууларда жолду тазалоого барды техника тартылып, автоунаалардын коопсуз өтүүсү үчүн атайын материалдар төгүлүүдө. Мекеме айдоочуларды дөңгөлөктүн чынжырын алып жүрүүгө... Читать дальше...

Алмазбек Атамбаевдин бийлиги учурунда президенттик аппаратты жетектеген Фарид Ниязовдун адвокаты Замир Жоошев ал коргоп жаткан адамдын мындан аркы соттук жараяндарына катышпай турганын билдирди. “Адилетсиз чечимдерди уга берип тажадым. Ошондуктан Фарид Ниязовдун уруксаты менен бул иш боюнча соттук отурумдарга катышуудан баш тартам. Анткени сот эмес, циркке катышуудан тажадым. Бул - менин укугум”, - деди Жоошев. 18-мартта Бишкектин Биринчи май райондук соту Фарид Ниязовду үй камагына чыгаруу туралуу... Читать дальше...

Украинанын Львов шаарынын мэри Андрей Садовый орусиялык авиация 18-марттын таңынан бери шаардык аэропорт жайгашкан районго улам чабуул жасап жатканын маалымдады. Ал Телеграм-каналда авиа оңдоочу заводго бир нече ракета түшкөнүн жазды. Курмандыктардын саны азырынча белгисиз. Кийинчерээк украин аба күчтөрү Львов шаарына Кара деңиздеги орусиялык суу астындагы кемесинен алты ракета атылганын кабарлашты. Алардын экөөнү абадан коргонуу системалары атып түшүргөн. Киев шаардык администрациясы 18-мартта... Читать дальше...

Кыргызстан Түркиядан дары-дармек жана медициналык шаймандарды алып келүүнү макулдашты. Мындай келишим саламаттык сактоо министри Алымкадыр Бейшеналиевдин Түркияга иш сапарынын алкагында жетишилген. "Бул Украинада болуп жаткан кырдаалга байланыштуу дары-дармек рыногун толуктоого мүмкүнчүлүк берет", - деп жазылган Саламаттык сактоо министрлиги тараткан маалыматта. Бейшеналиев 17-мартта Түркияда кесиптеши Фахреттин Кожа менен жолугушкан. 14-мартта Жогорку Кеңештин комитетинин жыйынында доллардын... Читать дальше...

БУУнун Коопсуздук кеңеши уюмдун Ооганстанга көмөктөшүү миссиясынын мөөнөтүн келерки жылдын мартына чейин узартты. Бул боюнча резолюцияга кеңештин 12 мүчөсү колдоп добуш берди, Орусия карманды. Миссиянын мандатынын мөөнөтү бейшемби күнү бүткөн эле.  Ооганстанды иш жүзүндө башкарып жаткан “Талибан” кыймылы өздөрү түзгөн өкмөттү эл аралык коомчулук тааный электигине карабай миссиясын узартууга макул болгон БУУнун Коопсуздук кеңешинин чечимин кубаттады. БУУнун тиешелүү миссиясы гуманитардык кырдаал... Читать дальше...

Кыргызстандын Министрлер кабинетинин төрагасынын биринчи орун басары Арзыбек Кожошев Орусияга жасаган иш сапарынын алкагында "Бириккен дан компаниясы" ишканасынын башкы директору Дмитрий Сергеев менен жолугушту. Бул тууралуу өкмөттүн басма сөз кызматы билдирди. Москвадагы жолугушууда Кыргызстанга дан жеткирүү маселеси, анын көлөмүн жогорулатуу мүмкүнчүлүгү жана "Бириккен дан компаниясынын" Кыргызстандагы филиалынын ишине көмөк көрстөтүү боюнча биргелешкен аракеттер талкууланды. "Бириккен дан компаниясы" ... Читать дальше...

Болгарияда мурдагы премьер-министр, “Жарандар Болгариянын европалык өнүгүүсү үчүн” деп аталган оңчул партиянын лидери Бойко Борисов кармалды. Өлкөнүн Ички иштер министрлиги ал Европа Биримдигинин прокуратурасынын каражаттарды ашыкча пайдалануу боюнча иликтөөлөрүнүн алкагында кармалганын маалымдады. Борисов менен чогуу мурдагы финансы министри Владислав Горанов, парламенттин финансылык комиссиясынын экс-жетекчиси Менда Стоянова жана өкмөттүк маалымат кызматынын мурдагы жетекчиси Севдалиан Арнаудова да кармалды. Читать дальше...

Бишкектин Биринчи май райондук соту укук коргоочу Динара Ошурахунованы "Майда бейбаштык" беренеси боюнча актады. Сот Укук бузуулар жөнүндө кодекстин 126-беренесинде көрсөтүлгөн жосунсуз жоруктардын белгиси жоктугуна байланыштуу ишти кыскартты. Ага карата экинчи берене - "Укук коргоо органдарынын талаптарына баш ийбөө" боюнча сот 25-мартка белгиленди.  18-марттагы жараяндын жүрүшүндө айыптоочу тарап Ошурахуновага 5500 сом айып пул салууну өтүнгөн. Укук коргоочулар Өндүрүш Токтонасыров, Динара Ошурахунова... Читать дальше...

Өткөн жылы чет өлкөлүк жарандардын жумушка орношуусуна уруксат берүүдөн түшкөн каражат 169,8 млн. сомду түздү. Бул 2020-жылга салыштырмалуу 16% көп. Мындай кабарды Эмгек, социалдык камсыздоо жана миграция министрлиги "Азаттыкка" билдирди. Маалыматка караганда,  2021-жылы Кыргызстан 16 610 чет элдиктин иштөөсүнө уруксат берген. Алардын арасында 95 өлкөнүн жарандары бар. Кыргызстанга иштөөгө уруксат алгандардын 54% же 6 миңге жакынын Кытайдын жарандары түзөт. Кийинки орунда Түркия (17% же 1814)... Читать дальше...

“Эркин Европа/Азаттык радиосу” корпорациясы Латвиянын борбору Рига шаарында жана Литванын борбору Вильнюста жаңы бюро ачат. Бул тууралуу корпорациянын жетекчилиги кабарлады. Балтика өлкөлөрүндөгү бюролордо “Азаттыктын” орус жана беларус кызматынын, “Настоящее Время” телеканалынын кызматкерлери иштешет. Корпорациянын президенти Жейми Флай “Орусиянын жана Беларустун бийлиги көз карандысыз журналистиканын үнүн басууга аракет кылганына карабай, жаңы бюролор ушул өлкөлөрдөгү аудиторияга багытталып иштей турганын” маалымдады. Читать дальше...

Кыргызгидромет борбору кабарлагандай, 19-20-март күндөрү Кыргызстандын туруксуз аба-ырайы сакталат. Көпчүлүк аймактарда мезгил-мезгили менен жаан, тоолуу райондордо кар жаайт. Чүй, Талас облустарынын дыйканчылык аймактарында, Ош, Жалал-Абад, Баткен облустарынын тоо этектеринде жаан карга айланат. 19-мартта Чүй, Ош, Жалал-Абад, Талас, Нарын облустарынын көпчүлүк аймактарында, Баткен, Ысык-Көл облустарынын кээ бир райондорунда жаан, кар, тоолуу райондорунда кар жаайт. Батыштан соккон шамалдын ылдамдыгы секундасына 4-9 метрден... Читать дальше...