Новости за 19.09.2022

"Данисте" берүүсүнүн бул жолку чыгарылышын Баткенде чек арада элин-жерин коргоп, курман болгон жоокерлерге арнайбыз. Аскерден кайтарына аз калган Бекболсун Ырысбек уулу жакында 23 жашка толмок. 26 жаштагы Бейкут Алмаз уулу чек арада өтөгөн кызматы үчүн “Эрдик” медалы менен сыйланган эле. Баткендеги куралдуу кол салуудан Жалал-Абад облусунун Сузак районунда туулган эки жоокер каза болду. Танкисттердин биотлонунда жеңишке жеткен Чыңгыз Акчаловду өзү туулуп-өскөн Таластагы айылында акыркы сапарга узатышты.

Кыргыз-тажик чек арасындагы соңку куралдуу кагылышуудан кийин Кыргызстандын эки аскер кызматкери дайынсыз болууда. Бул тууралуу президенттин Баткен облусундагы өкүлү Абдикарим Алимбаев 19-сентябрда "Азаттыктын" кабарчысынын суроосуна жооп берип жатып билдирди. "Бүгүн Тажикстандан төрт аскерибизди барымтадан бошотуп алып келдик. Учурда дагы эки аскерибиз дайынсыз болууда". Алимбаев дайынсыз аскерлердин кайсы күч түзүмүнөн экенин ачыктаган жок. Чек ара жаңжалдарынын баары Кыргызстан менен Тажикстандын... Читать дальше...

19-сентябрь, саат 21:00гө карата алынган маалымат боюнча, Баткен облусундагы кыргыз-тажик чек арасындагы куралдуу кагылышуудан жабыркаган кыргызстандыктарга жалпысынан 700 тонна гуманитардык жардам жеткирилди. Анын ичинде тамак-аш, кийим-кече, жууркан-төшөнчүлөр, гигиеналык каражаттар жана башка күнүмдүк керектүү буюмдар бар. Гуманитардык жардам чогултуу Бишкек шаарындагы Спорт ордосунда ачылган республикалык штабда жана ар облус борборунда жүрүүдө. Өзгөчө кырдаалдар министрлигинин маалыматына... Читать дальше...

19-сентябрда Лондондо каныша Елизавета II менен коштошуу зыйнаты аяктап, сөөгү жерге берилди. Мамлекеттик деңгээлдеги тажыяны Британ биримдигине кирген мамлекеттердин коомдук телеканалдары түз алып көрсөттү. Дүйшөмбү күнү таңга жуук маркум менен коштошууга келгендер үчүн Вестминстер сарайы жабылды. 14-сентябрдан бери Елизавета II менен коштошуп, сый-урматын билдирүү үчүн миңдеген британдыктар жана жана чет мамлекеттердин жарандары келишти. Алардын кезеги көп чакырымга созулду, айрымдар анда 12 саатка чейин тизилип турду. Читать дальше...

16-сентябрда Баткендин Лейлек районунда окко учкан Бейкут Алмаз уулу Нарын районунун Эчки-Башы айылында туулуп-өскөн. 26 жаштагы аскер былтыр Баткендеги чек ара жаңжалында жарадар болуп, “Эрдик” медалы менен сыйланган.

Мекен чегинде туруп, мерт болгон Чыңгыз Акчалов ата-энесин "жакында үйлөнөм" деп кубантып кеткен. Жоокер аруу тилегине жетпей калды... Анын сөөгү Манас районунун Бала-Саруу айылында жекшембиде жерге берилди.

Баткендеги чек ара жаңжалынан сузактык 22 жана 19 жаштагы кырчын өмүрлөр кыйылды. Экөө тең бир жылдык аскерде кызмат өтөп жүрүшкөн. Даниэлбек Малашов сентябрдын 15де үйүнө кайтып келмек. Ал эми 19 жаштагы Нурислам Карыбеков үйдүн улуусу болгондуктан ата-энесинин ишенген тиреги эле.

Өз каалоосу менен чек араны коргоого кетип, аскерден келерине 4-5 күн калганда курман болгон Бекболсун Ырысбек уулу жакында 23 жашка толмок. Анын сөөгү 18-сентябрда Кара-Суу районундагы өзү туулуп-өскөн Кызыл-Абад айылында жерге берилди

Кыргыз-тажик чек арасындагы куралдуу жаңжалдан улам бүгүн кыргыз эли аза күтүүдө. Учурда чек арада кырдаал салыштырмалуу турукташып, оор техника чыгарылып жатканы кабарланды. Бул куралдуу кагылышы соңку жылдары утур-утур орун алган чек арадагы жаңжалдын эң масштабдуусу болуп, ондогон адам өмүрүн алды. Жүз миңдеген тургун коопсуз жерге чыгып кетүүгө аргасыз болду.

Чек арадагы куралдуу жаңжалда Лейлектин Арка айылынын борборундагы базар толук талкаланып, ондогон үй-жай өрттөлдү. 14-сентябрда жаңжал тутанганда Арканын тургундары тоо тарапка - Маргун айылын карай качкан. Былтыркы чек ара жаңжалында Лейлекте жүзгө жакын соода жана кызмат көрсөтүү жайлары өрттөлгөн. “Азаттыктын” кабарчылары Арка айылын аралап, жолдо кезиктирген тургундары кепке тартты.

Кыргызстандын Улуттук коопсуздук боюнча мамлекеттик комитетинин (УКМК) төрагасы Камчыбек Ташиев жана Тажикстандын Улуттук коопсуздук боюнча мамлекеттик комитетинин төрагасы Саймумин Ятимов бүгүн, 19-сентябрда Тажикстандын аймагында жолугушту. Анда чек арадагы кырдаалды турукташтырууну камсыздоочу иштерди жылдыруу боюнча жумушчу протоколго кол коюлду. Бул тууралуу УКМКнын жетекчиси Камчыбек Ташиев 19-сентябрда кечке жуук, Баткенде журналисттерге билдирди. "Документтин мазмуну - бүгүнкү болуп жаткан иштерди өркүндөтүп... Читать дальше...

Кыргыз-тажик чек арасындагы соңку куралдуу кагылышта туткундалган кыргызстандык төрт аскер кызматкери бошотулуп, мекенине кайтарылды. Алар эки тараптуу сүйлөшүүнүн натыйжасында кайтарылганын Улуттук коопсуздук боюнча мамлекеттик комитетинин (УКМК) төрагасы Камчыбек Ташиев журналисттерге маалымдады. "Барымтада турган төрт жоокерибизди алып чыктык. Төртөө тең аман-эсен. Бирөөнүн бутунда бир аз жаракат бар экен. Азыр баарын ооруканага толук текшерүүгө алып кетти, эртең туугандарына өткөрүп беребиз", - деди Камчыбек Ташиев. Читать дальше...

Саламаттык сактоо министрлигинин соңку маалыматы боюнча куралдуу кол салуудан мерт кеткендердин саны 59га жетти. 163 киши жаракат алды. Тажик бийлиги 41 жараны өлгөнүн жарыялады. Курман болгон аскерлерди өлкөнүн ар кайсы аймактарында акыркы сапарга узатышууда. Президент Жапаров элге көңүл айтты.

Кыргыз бийлиги 16-17-сентябрдагы кыргыз-тажик чек арасындагы куралдуу кол салуудан мерт болгондордун саны 59га жеткенин билдирди. Алардын бири 15 жаштагы окуучу кыз. Чек аралаш аймакта 164 киши жараат алганы маалым болду.

Баткенде жараат алган 164 адамдын 12си балдар экенин 19-сентябрда Бишкекте өткөн басма сөз жыйынында саламаттык сактоо министри Гүлнара Баатырова билдирди. Анын айтымында, калган 129у эркектер, 13ү аялдар. Жараат алгандардын 42си Баткендин, 96сы Бишкектин, алтоо Оштун ооруканаларында, 20сы үйдөн дарыланууда. Буга чейин жараат алгандардын саны 163 экени айтылып жаткан. Кыргызстан бүгүн, 19-сентябрда кыргыз-тажик чек арасында каза болгон жарандарын жоктоп, аза күтүүдө. Соңку расмий маалымат боюнча... Читать дальше...

Бишкектеги Спорт ордосундагы республикалык штабда ыктыярчылар гуманитардык жардамды күнү-түнү кабыл алып, Баткенге жөнөтүүдө. Анда негизги муктаждыктар болгон гигиеналык буюмдар, балдар үчүн жалаяктар, уюлдук телефондор, кубаттагычтар жана бузулбай турган азык-түлүктөр чогултулууда. Мурдараак республикалык штаб 200 тоннадан ашык жардам жөнөткөнүн кабарлаган эле.

Пакистандын соту мурдагы премьер-министр Имран Ханга тагылган террорчулук боюнча айыпты алып салды. Бул тууралуу анын адвокаты Фейсал Чаудри журналисттерге кабарлады. Мурдараак полиция Хандын жардамчысы Шахбаз Гиллди мамлекеттик чыккынчылыкка айыптап, камакка алган. Буга байланыштуу сөздөрүндө Имран Хан жардамчысы камакта кыйноого алынып жатканын билдирип, полицияны жана судьяны сотко берерин айтып чыккан. Ал Гиллдин ишин карап жаткан сотко катуу эскертүү берген. Полиция Хандын сөздөрүндө террордук чакырыктар болгон деп айып тагып... Читать дальше...

Кыргызстандын Бириккен демократиялык кыймылы (БДК) Сох анклавы аркылуу гуманитардык коридор ачып бергени үчүн 19-сентябрда Өзбекстандын элине жана бийлигине ыраазычылык билдирип, кайрылуу таратты.  "Бул коридор аркылуу өзбек мамлекети кыргыз жарандарынын өмүрүн жана ден соолугун сактап калууга чоң салым кошту. Бириккен демократиялык кыймыл Өзбекстандын элине, президенти Шавкат Мирзиёевге, өкмөтүнө жана чек ара кызматкерлерине терең ыраазычылыгын билдирет", - деп жазылган кайрылууда. 16-сентябрда... Читать дальше...

Каржы министрлигинин 19-сентябрь, саат 17:30га карата берген маалыматына ылайык, кыргыз-тажик чек арасындагы куралдуу кол салуудан жабыркагандарга жардам көрсөтүү үчүн ачылган атайын эсепке 70 миллион 409 миң сом түштү. Бул тууралуу Кыргызстандын каржы министринин орун басары Улан Даникеев 19-сентябрдагы маалымат жыйынында билдирди. Анын айтуусунда, бул каражаттан азырынча эч кандай муктаждыкка сарптала элек. "Каржы министрлиги бул акчанын сарпталган ар бир тыйыны үчүн сиздерге отчет берет. Читать дальше...

16-сентябрда Токтогул Сатылганов атындагы Улуттук филармонияда Jazz-Maqom долбоорунун алкагында концерт ийгиликтүү өттү. Иш-чаранын ачылышында Франциянын Кыргыз Республикасындагы атайын жана ыйгарым укуктуу элчиси Франсуа Делаус мырза чыгып сөз сүйлөдү. Ал чек арадагы окуяларга байланыштуу концертти токтотууну ойлошконун, бирок кыргыз өкмөтүнүн уруксаты жана карапайым калктын көңүлүн музыка менен көтөрүү максатында кайра коймой болушканын, эки элдин достук-маданий байланышы тереңдей берерин белгилеп... Читать дальше...

Чек арадагы соңку куралдуу кагылышта 140 миңден ашуун адам коопсуз жайга убактылуу көчүрүлдү. Алардын басымдуу бөлүгү аялдар, балдар. "Азаттык" үйүн таштап, коопсуз жайга көчүп кеткенгенге аргасыз болгон эки аялдын баянын сунуштайт. "Баламды боорума кысып, жолду катар ыйлап келдим" "Атым Айсалкын, жашым 35те. Беш баланын энесимин. Баткендин Көк-Таш айылына келин болуп келгем. Чыр чыккан күнү мен балдарым, абысыным менен үйдө элем. Жолдошум мал жайып, тоого кеткен эле. 16-сентябрь таңкы 6да атылган октун үнү угулду. Читать дальше...

Кыргыз-тажик чек арасындагы акыркы жаңжалда Кыргызстан тараптан 40 аскер кызматкери каза таап, 70тен ашууну түрдүү жаракат алганын Коопсуздук кеңешинин катчысы Марат Иманкулов бүгүн, 19-сентябрда журналисттерге билдирди. "Чек арачылар, Ички иштер министрлигинин (ИИМ) аскерлери, Өзгөчө кырдаалдар министрлигинин куткаруучулары болуп, жалпы 40 аскер кызматкерибизди жоготтук. Тилекке каршы, бул акыркы сан эмес. Алардын айрымдары мыкаачылык менен өлтүрүлгөн. Биздин аскерлер абдан каармандыкты, баатырдыкты көрсөтүштү. Читать дальше...

Кыргыз-тажик чек арасындагы кандуу окуяда Баткен районунун Ак-Сай айылында эле 180 үй өрттөнгөн. Кыргызстандын президентинин Баткен облусундагы өкүлү Абдикарим Алимбаев 19-сентябрда журналисттерге билдиргендей, Ак-Сайдагы үйлөрдөн тышкары социалдык обьектилер да талкаланып, өрттөнгөн. "Быйылкы жаңы окуу жылына карата Ак-Сайда жаңы бала бакчаны пайдаланууга бердик эле. Ошол бакчаны жана мектепти да аткылап, талкалашкан. Биздин Көк-Таш - Тамдык жолундагы көпүрөнү да атайын жардырышты. Мындан тышкары мал-жандыктар уурдалган", - деди Алимбаев. Читать дальше...

Баткенде Чек ара кызматынын атайын багыттагы “Бөрү” отрядынын прапорщиги Илимбек Мурзаевдин сөөгү жерге берилди. Бул тууралуу 19-сентябрда “Азаттыкка” анын атасы Манас Абдраимов билдирди. Баткен шаарынын тургуну, 27 жаштагы Мурзаев кыргыз-тажик чек арасында куралдуу кол салуу учурунда Ак-Сай аймагында чогуу кызмат өтөгөн аскерди калкалап жаткан учурда жанына снаряд түшүп, курман болгон. Атасы Манас Абдраимовдун айтымында, ал кызматын сүйгөн, мекен алдында берген аскердик антын так аткарууга умтулган адам эле. Читать дальше...

Астана шаарынын Байконыр райондук сотунда экс-президент Нурсултан Назарбаевдин тууганы Кайрат Сатыбалдынын соту башталды. Бул тууралуу “Азаттыктын” казак кызматы соттун басма сөз кызматына таянуу менен жазды. Баштапкы соттук угуу 16-сентябрда өткөн. Кийинки отурум 20-сентябрга белгиленди. Жергиликтүү жалпыга маалымдоо каражаттарынын маалыматына ылайык, Кайрат Сатыбалды бир нече берене менен айыпталып жатат. Анын ичинде “Алдамчылык жол менен же ишенимге кирүү менен мүлккө зыян келтирүү” жана “Ишенип... Читать дальше...