Бишкекке Кувейттен 102 кыргызстандык жаран келди
Учуп келген жарандар тиешелүү алгоритмге ылайык, медициналык процедуралардан өтүү үчүн обсервацияга алынат.
Коронавируска каршы ыкчам штабдын маалыматына караганда, чет өлкөлөрдөн келе албай жаткан кыргыз жарандарын алып келүү боюнча иштер уланып жатат.
Пандемия жарыяланган март, апрель, май, июнь айларында Кыргызстанга 15 миңден ашуун кыргызстандык жарандар дүйнөнүн 60тан ашуун өлкөсүнөн алып келинген. Алардын 12 миңден ашууну Орусиядан жеткирилген. (ZKo)