26.03.10
c:\users\jaku\downloads\0326_10.htm ======================================================================== «Алиби», 26.03.10 • Капчык саясат Евгений ГУРЕВИЧ ДЕГЕН КИМ? Гуревич Москвада төрөлгөн «өзүбүздүн» эле бала. Апасы койгон аты- Юджин, атасы койгон аты-...
Сообщение 26.03.10 появились сначала на presskg.
c:\users\jaku\downloads\0326_10.htm
========================================================================
Евгений ГУРЕВИЧ ДЕГЕН КИМ?
Гуревич Москвада төрөлгөн «өзүбүздүн» эле бала. Апасы койгон аты- Юджин, атасы койгон аты- Евгений имиш. 1990-жылы Горбачев менен Ельциндин тиреши күчөп,СССР тарай баштаганда жөргөмүштүн жөтөлгөнүн алдын ала биле койчу жөөт АКШга куйрук түйүп, ал жактын жарандыгын алган. Калифорниядагы Берклин университетин бүткөн.
Орус өкмөтү кыргыз өкмөтүнө берген 300 миллион долларга Гуревич кожоюн болуп калганын сезген Путин биздин Данияр Үсөновду Сочиде «кулагынан чоюп», «биздин акчаларды криминалдык үй-бүлөгө берип коюпсуңар» маанайында эскертип, ал эми жакында Москвада сүйлөшпөй да койгону жөн жерден дейсизби?
КЫРГЫЗСТАНГА КА?
РА
КАЧАН КЕЛГЕН?
2008-жылдын аяк ченинде. Жөн келди дейсизби? Штаб-квартиралары Лондон менен Нью-?оркто жайгашкан «MGN Group» холдингинин курамына кирген «MGN Asset Management» компаниясын жетелей келген.
КЕЛГЕН МАКСАТЫ
ЭМНЕ ЭКЕН?
Кыргызстанды Бакиевдерге кошулуп «гүлдөтүү.»
КАНТИП
ДАЛИЛДЕ?СИҢЕР?
Дүйнөнү финансылык крисиз каптап баштаганда, отпускеден келген президентибиздин КТРдан болжол менен минтип айтканы эсиңердеби: биз кичинекей мамлекетпиз, дүйнөлүк кризис бизге терс таасирин тийгизбеши керек, тескерисинче биз бул кризистен пайда таап чыгып кетишибиз керек-деп.
Президенттин ошол сөзүнүн төркүнү каякта экенин билгиңиз келеби? Ал дал ушул Е.Гуревичтин 2008-жылдын 31-октябрда «Хаят» мейманканасында өзүнүн «MGN Group» компаниясынын тушоосун кесип жаткан тойдо сүйлөгөн сөзүнүн эле президенттин оозу менен кайталанышы. Мына, ошол Гуревичтин сөзү:
«Дүйнөдөгү катаал каржы кризисинин мезгили — бул мүмкүнчүлүктөр менен ыңгайлуу учурлардын мезгили. Дүйнөлүк капитал экономиканын реалдуу секторуна умтулуп жатат. Кризистин айынан чет элдик активдердин наркы түштү, ошондуктан инвесторлор акчаларын жаш, өнүгүп баштаган өлкөлөргө жумшагысы келет. Биздин максат — жаш, өнүгүп келаткан Кыргызстан үчүн да, бүтүндөй Борбор Азия үчүн да каржылоонун ушундай жаңы мүмкүнчүлүктөрүн ачуу.»
БА?ЛЫКТАРДЫ КАНТИП
БАСЫП АЛЫПТЫР?
2008-ж.3-ноябрь.
Е.Гуревичтин «MGN Group» холдингге кирген «MGN Asset Management» компаниясы Кыргызстандын инвестициялык фонддорун жетектөө, баалуу кагаздарга ишеним башкаруучулук жүргүзүүгө, брокердик жана диллердик иш аракеттерди ишке ашырууга, инвестициялык кеңештерди берүүгө лицензия алат. Бир сөз менен айтканда, кардарлардын жергиликтүү жана чет элдик финансылык активдерин башкаруу укугуна ээ болуп, аларды Кыргызстанда гана эмес, чет өлкөлөрдө да жайгаштырууга да мүмкүнчүлүк алышат. Кыргызбайлардын башын кантип айлантат дебейсизби — «биз деген атактуу «AMEX», Англиянын «LSE», Американын «NYSE», Орусиянын «ММВБ», Орто Азиянын «СASE» фондулук биржалары менен «прямой» сүйлөшөбүз» деген таризде. Ошентип ашкеби кыргыз бийлиги өлкөгө тыштан кире турган каражаттардын эки тизгин, бир чылбырын бүт бойдон Гуревичтин колуна карматышат.
2009-ж. 8- апрель.
Компаниянын аткаруучу директору Р.Генкин «Түндүкэлектронун» директорлор Кеңешинин тутумуна киргизилип, ишкананын 13 % акциясына ээ болот.
2009-ж.9-апрель.
Е.Гуревич «Манас» аэропортунун директорлор Кеңешине кирип, анын 8,4 % акциясына ээ болот.
2009-ж. 10-апрель.
«Чыгыш электронун» директорлор Кеңешине Б.Сатыбеков деген киргизилип, анын13 % акциясына ээ болот.
2009-ж.14-апрель.
Ж. Усенов деген дагы бир вице-президентин «Кыргызтелекомдун» директорлор Кеңешинин мүчөсү кылып, ишкананын 12,5 % акциясын алышат.
2009-ж.15-апрель.
Е.Гуревич «Электр станциялар» акционердик коомунун директорлор кеңешине мүчө болот. Мунун уставдык капиталы 4,4 миллиард сом. Демек бул жерде да анын зор үлүшү бар.
2009-ж.16-апрель.
Ж.Усенов «Кыргызгаз» ишканасынын директорлор Кеңешине да мүчө болуп, 8% акциясына ээ болуп калат. Ишкананын уставдык капиталы 307 миллион сом.
2009-ж. 17-апрель — биз билген Р.Генкин «Бишкек машина куруу» заводунун директорлор Кеңешине мүчө болуп, уставдык капиталы 304 миллион сомдун 8% акциясына кожоюн болот.
2009-ж.24-апрель. Б.Сатыбеков «Ошэлектронун» директорлор Кеңешине мүчө болот. Ал жердин 13% акциясын алышат.
(Уланта берсек тизме узун, мандем көп.)
КЫРГЫЗСТАНДЫ
КАНТИП «ГҮЛДӨТӨ»
БАШТАДЫ?
Бир эле айдын оро-парасында олчойгон байлыкка туйтунган Гуревич жана анын айланасындагы бала Бакиевдин достору 23-июлда президенттик шайлоону кантип «өткөрүшкөнүн», 20-октябрда президент К. Бакиев административдик реформа жарыялап, натыйжада Максим Бакиев өнүктүрүү агенттигине кантип кожоюн болгонун, өткөргөн чогулуштарында оң жагына өкмөт башчысын, сол жагына каржы министрин отургузуп алганын билесиңер да. Ошондон кийин Гуревичтин ташы өйдө кулап, Ак үйдө ишенимдүү кишисин отургузгандан кийин, Кыргызстанды «гүлдөтүүнүн» кийинки этабына өтөт. «Күрөөгө ишканалар коюлмайынча инвестицияны эч ким бербейт» деген талап менен Кыргызстандын жалгыз күзүр байлыгы болгон электр станцияларына кожоюндук кылуу максатында «Камбар-Ата- 2» менен «Камбар-Ата-1» акционердик коомдору түзүлүп, аларда да …евич, …овичтердин үлкөн үлүштөрү бар. Ошентип экс-премьер Игорь Чудинов жетектемиш этип, башында Максим Бакиев турган Өнүктүрүү фондунун, мындан тышкары Кыргызстандын Социалдык фондунун активдерин башкаруу укугуна ээ болгон. Гуревич 2006-2009-жылдары коммерциялык «Азия Универсал Банктын» директору орундугуна да олтурууга үлгүргөн.
Орус өкмөтү кыргыз өкмөтүнө берген 300 миллион долларга Гуревич кожоюн болуп калганын сезген Путин биздин Данияр Үсөновду Сочиде «кулагынан чоюп», «биздин акчаларды криминалдык үй-бүлөгө берип коюпсуңар» маанайында эскертип, ал эми жакында Москвада сүйлөшпөй да койгону жөн жерден дейсизби? Орустун тышкы чалгын кызматынын атасы Путин жөн жерден кулак чойбойт.
Ал эми жакында «Түндүкэлектро» менен «Телеком» текейден арзанга сатылып, тарифтер болсо асманга чыкканында Евгений Гуревичтин салымы жок деп кантип айта алабыз.
ГУРЕВИЧТИ ЭМНЕГЕ
КУУП ЧЫКТЫҢАР?
Ата-бала Бакиевдер аман турганда эч ким кууп чыкпайт. Балээнин баары өзүнөн болбодубу.
Италия тергөөсү чыгарган аныктама боюнча, 2003-2006-жылдар аралыгында Гуревичтин «Телеком Италия» жана «Фаствеб» компанияларын 2,7 млрд. долларга алдап, 40 миллион еврого жакын салыкты төлөбөй кеткен шылуундукка катыштыгы бар тура. Шылуундар телефондук байланыш кызматтарынын чоң суммадагы көлөмүн дүң түрүндө сатылгандыгы тууралуу жасалма квитанцияларды төлөмгө көрсөткөн. Айыптоо 1600 барактан туруп, Е. Гуревичтен сырткары дагы 55 адам айыпталып жатат.
Италия сотунун маалыматына караганда, Гуревич АКШ, Италияда бир канча компанияларды түзүп, башкарып, алар аркылуу ири суммадагы арам акча таап, ал тапкан акчаларынын белгилүү бир өлчөмү ар кандай уюшкан кылмыштык топторго алардын көрсөткөн кызматтары үчүн үлүш катары берип жүрчү экен. Сот аны камоого өкүм чыгарганда, АКШнын федералдык иликтөө бюросу аны «АКШдан таба алган жокпуз» деп жооп берген. Ал анан айла жок өзү эле Кыргызстандагы бүт иштерин тапшырып, бөгүп жаткан учуру. Интерпол издеп жатат. «MGN» деген эмне деген сөздөрдүн баш тамгалары экенин бир Гуревич, бир Максим гана билбесе, башка эч ким билбей калды го. Бирок арабызда биттин ичегисине кан куйган чеберлер ал кылмыштуу топтун алигиндей баш тамгалар менен аталышын «Максим, Гуревич, Надель» деген ысымдардын баш тамгаларынан куралган деп жатышпайбы. Балким ошондойдур. Анын чечмеленишин Бакиевдер бийликтен кеткенден кийин гана билбесек, ага чейин билинбей калды го.
ГУРЕВИЧ КЕТИП КАЛДЫ,
ЭМКИ ЖАШООБУЗ
КАНДА? БОЛОТ?
Кандай болмок эле. «Айран жокто максым бар,Айдар жокто Максим бар» деп кимиңер айта койдуңар эле? Анын сыңарындай, бир Гуревич кетсе, андан тыңыраак экинчи Гуревич даяр тургандыр да. Акаевди кетирсек жыргап жашайбыз дедик эле, жыргап эле жашап жатпайлыбы.
Машакбай
РАХМАНКУЛОВ
0326.htm