Беларустун бир катар шаарларында митингдер өттү
Мурунку жолкулардан айырмаланып, бул ирет бийлик метрону жапкан жок жана Интернет үзгүлтүккө учурабады.
«Весна» укук коргоо уюму билдиргендей, түшкө чейин Беларус коосуздук күчтөрү тарабынан кеминде отуз киши кармалды.
Беларуста бийликке каршы нааразылык иш-чаралардын башталганына 127 күн болду.
Демонстранттар Александр Лукашенконун кызматтан кетип, саясий туткундардын бошотулушун жана куугунтуктоолордун токтотулушун талап кылып жатышат.
Беларус оппозициясынын бир катар лидерлери камалган, башкалары, анын ичинде Светлана Тихановская өлкөдөн чыгып кетүүгө аргасыз болушкан.
Кошмо Штаттар, Евробиримдик жана бир нече мамлекет Лукашенкону августта өткөн шайлоонун жеңүүчүсү катары таануудан баш тарткан.