Силјанов солист во „Вокална магија“ и по прв пат со Македонската филхармонија
„Вокална магија“ е насловен симфонискиот концерт што Македонската филхармонија ќе го одржи во својот редовен термин, в четврток, на 22 февруари во 20 часот, и на кој како солист ќе настапи Милан Силјанов, бас-баритон од Швајцарија. Оперскиот пејач со македонско потекло ќе изведе избор од фантастичниот циклус песни за глас и оркестар „Магичната хорна на момчето“, од славниот австриски композитор Густав Малер.