Каменос против употреба на терминот Македонија во името
Лидерот на Независни Грци и министер за одбрана Панос Каменос изјави денеска дека неговата партија која е коалиционен партнер во владата ќе ја спречи употреба на терминот Македонија во името на земјата.
Тој во интервју за грчката телевизија „Антена“ порача дека за евентуалниот договор да стигне до грчкиот парламент, потребно е да се исполни грчкото барање за уставни промени.
Каменос поради тоа смета дека нема да има договор за спорот ни по изборите во Грција што регуларно треба да се одржат во септември следната година.