Могерини: На 30-ти септември, Вие го имате клучот за вашата иднина
Могерини истакна дека вратите на ЕУ остануваат отворени за Македонија и дека само со заедништво и посветеност може да се постигне многу во однос на просперитетот, стабилноста и безбедноста на регионот.
На новинарско прашање во врска со ставот на опозицијата, која повика секој граѓанин да постапи по свое убедување, Могерини рече дека нема да се меша во домашната политика на земјата, но уште еднаш ги повика сите да излезат на гласање и да го искористат како што рече историскиот момент.
Според Могерини земјата направила значителен прогрес и резултати во изминатите година и пол, а договорот за името со Грција го нарече чин на политичка храброст, лидерство и одговорност, но и инспирација за целиот западен Балкан.