Приватни пораки на над 81.000 корисници протекоа на фејсбук
Податоците биле објавени на онлајн форум од хакери, кои тврдат дека имаат пристап до лични податоци на 120 милиони кориснички налози и нудат на продажба еден профил за 10 центи. Како што јавува Би-би-си, од медиумот контактирале со петмина корисници од Москва, Белгород и Перм, кои потврдиле дека разговорите кои се достапни на интернет, навистина се нивни приватни пораки од „Фејсбук“.
Анализата, која ја спроведе британската компанија за кибернетичка сигурност „Дигитал шедовс“ пронашла 12 илјади од 257 илјади корисници во Русија и 47 илјади корисници кои рекле дека се од Украина. До платформата на која се појавиле податоците или која била создадена да се појават таму водат руски линкови, покажа истрагата на Би-би-си. Таа е поврзана со ИП-адреса во Санкт Петербург, тврди Би-би-си.