Столтенберг: Бесмислено е НАТО и ЕУ да бидат ривали
“Задоволни сме поради зголемените напори на Европската унија на полето на одбраната. Добра работа е ако европските сојузници имаат поголеми капацитети, ако подобро соработуваат. Она со што не сме задоволни е што Европа почнува да воспоставува двојни структури”, истакна Столтенберг на форумот „НАТО-Индустрија“ во Берлин.
Тој оцени дека на НАТО и ЕУ „всушност им е потребен еден, силен и стручен, команден систем, додавајќи дека за земја како што е Германија би било целосно бесмислено да дозволи НАТО и ЕУ да бидат противници, бидејќи Германија, како и поголемиот број други членки на НАТО, воедно се и членки на ЕУ.
Францускиот претседател Емануел Макрон на 6 ноември покрена расправа, предлагајќи и Европа да „изгради сопствена војска“, што го налути претседателот на САД, Доналд Трамп.