Пендаровски денеска во Скопје, Сиљановска во Велес и Свети Николе, Река во Желино
Кандидатот за претседател од СДСМ и Коалицијата Стево Пендаровски денеска во 14 часот ќе одржи централен митинг Скопје кој ќе се одржи пред Делегацијата на ЕУ, а ќе почне со граѓански марш од пред зградата на Црвениот крст.
Кандидатот за претседател од ВМРО-ДПМНЕ и Коалицијата, Гордана Сиљановска-Давкова, која централниот митинг во главниот град го имаше синоќа, вечер ќе има собири во Свети Николе и во Велес.
Кандидатот за претседател Блерим Река, кој за претседателските избори е поддржан од Алијансата на Албанците и Движењето Беса, вечер ќе има средби со граѓаните на Желино.
Првиот круг од претседателските избори ќе се одржи на 21 април, а вториот на 5 мај.