Новости за 16.05.2018

Во Кривичниот суд денеска почна рочиштето за случајот „Монструм“ за петкратното убиство кај Смилковското езеро во 2012 година. Судењето почнува од почеток бидејќи предметот го презеде Специјалното јавно обвинителство. Во судницата присутни се обвинетите Агим Исмаиловиќ, Хаки Азири, Фејзи Азири и Сами Љута, како и роднини на убиените деца. На рочиштето не се присутни прво и второобвинетиот Алил Демири и Африм Исмаиловиќ, кои се недостапни за судот. Обвинетите беа осудени на доживотен затвор, а Врховниот суд во декември... Читать дальше...

Македонскиот премиер Зоран Заев и неговиот грчки колега Алексис Ципрас, утре претпладне во Софија ќе ја имаат својата втора тет-а-тет средба, јавува МИА. Новата средба меѓу двајцата премиери ќе се одржи на маргините на самитот ЕУ-Западен Балкан на кој ќе се расправа за европската перспективата на земјите од регионот. Заев претходно изјави дека следната средба со Ципрас не е средба за конечно решение на спорот за името. Тој посочи дека целта на состанокот ќе биде да се рекапитулира она што досега... Читать дальше...

Рускиот претседател Владимир Путин изјави дека новото оружје е подготвено за испорака и оти со тоа значително ќе се зголемат воените способности на земјата и ќе се осигура стратешкиот баланс со децении. Путин по средбата со руските одбранбени претставници во Сочи посочи и дека војската во оваа година ќе добие нови интерконтинентални балистички проектили Јарс со кои ќе се заменат старите, како и модернизирани бомбардери вооружени со ракети со голем дострел. Путин порача дека стратешките нуклеарни... Читать дальше...

Еврокомесарот за проширување Јоханес Хан во интервју за грчкиот весник „Та неа“, изрази убеденост дека може да се постигне решение за спорот за името меѓу Македонија и Грција. Според него, самитот во Софија нема да биде одлучувачката точка за тоа дали ќе има решение, туку тоа што е важно во процесот е квалитетот на договорот. „Доколку е изводливо во Софија, ќе биде уште подобро. Но, најважна е одлучноста на двајцата лидери да стигнат до компромис прифатлив за двете земји. Решението не е добро само за Македонија... Читать дальше...

Премиерот Зоран Заев ја прифаќа поканата на лидерот на ВМРО-ДПМНЕ Христијан Мицкоски за дуел на телевизија. „Премиерот Зоран Заев е подготвен за ТВ дуел во секое време со Христијан Мицкоски, бидејќи основа на демократијата е отвореноста и подготвеноста да се соочиш со политичките опоненти“, изјавил Бошњаковски за МИА. Мицкоски синоќа по седницата на Централниот комитет на партијата го повика Заев да се соочат на телевизија и да дискутираат за преговорите за името.

Аналитичари очекуваат договор меѓу Македонија и Грција за фазно спороведување на ерга омнес со цел земјата да стане членка на НАТО и да ги започне преговорите со ЕУ.

Претседателот на Европскиот совет Доналд Туск вечер во Софија организира неформална вечера за лидерите на Европската унија пред утрешниот самит. На вечерата, како што е најавено, лидерите ќе се фокусираат врз дигитализацијата на Европа, истражувањата и иновациите. Утрешниот самит пак, има за цел да инјектира нова енергија во односите меѓу Унијата и Западен Балкан и да ја потврди припадноста на регионот во европското семејство. На состанокот ќе учествуваат шефови на држави или влади од земјите-членки на ЕУ... Читать дальше...

Шефот на иранската дипломатија Мухамед Зариф синоќа во Брисел го поздрави „добриот почеток“ на разговорите со Европската унија во обид за спасување на нукеарната спогодба по американската одлука за повлекување. „Мислам дека почнуваме еден процес“, рече тој по состанокот со шефицата на европската дипломатија Федерика Могерини и со министрите за надворешни работи на Франција, Британија и Германија. Зариф додаде дека очекува напредок во наредните неколку недели.

Потпретседателот на Европската комисија Франс Тимерманс оцени дека е „жално“ заминувањето на фондацијата на милијардерот Џорџ Сорос од Унгарија, оценувајќи дека со тоа ќе „трпи“ демократијата во таа земја. Претходно беше соопштено дека оваа фондација од Бундимпешта се сели во Берлин. Унгарскиот премиер Виктор Орбан покрена кампања против Сорос, американски милијардер со унграско потекло, обвинувајќи го дека промовира масовна имиграција во Европа.

Северна Кореја ја доведе под прашалник најавената историска средба меѓу нејзиниот лидер Ким Џонг Ун и американскиот претседател Доналд Трамп закажана за 12 јуни во Сингапур. Северна Кореја не сака Вашингтон да инсистира на целосно напуштање на нејзината програма за нуклеарно оружје.

Американските власти не се информирани за промена на ставот на Северна Кореја и ги продолжуваат подготовките за состанокот меѓу претседателот Доналд Трамп и севернокорејскиот лидер Ким Џонг Ун, соопшти Стејт департментот. Јужнокорејската новинска агенција Јонхап претходно пренесе дека Северна Кореја се закани со откажување на претстојниот самит поради воените вежби во Јужна Кореја. Историскиот самит меѓу Трамп и Ким е закажан за 12 јуни во Сингапур.

„ВМРО-ДПМНЕ и коалицијата организираат протестен собир на 2-ри јуни во 20 часот пред Владата на Македонија“, изјави претседателот на ВМРО ДПМНЕ Христијан Мицкоски по синоќешната седница на Централниот комитет на партијата. Тој додаде дека на оваа седница, како и на претходната на Извршниот комитет, била разгледана актуелната политичка и економска ситуација во земјата. Мицкоски најави дека денеска патува за Софија на Самит на Европската народна партија.

Во Македонија ќе биде сончево, со мала до умерена облачност. Попладне во југоисточните делови е можен краткотраен локален дожд и грмежи. Ќе дува слаб до умерен ветер, претежно од западен правец. Максималната температура ќе се движи од 15 до 27 стпени. Во Скопје и околината слично време со температура до 26 степени.