Новости за 03.08.2018

Европската комисија реагираше на говорот на претседателот Ѓорѓе Иванов вчера на Мечкин Камен, во кој тој изјави дека не го поддржува договорот со Грција за името. Брисел порача дека очекува од сите страни да бидат конструктивни, јави дописничката на МИА од Брисел. „Очекуваме од сите политички сили да играат конструктивна улога преку поддржување на заедничката стратешка цел на европската интеграција и да ја обезбедат имплементацијата на договорот, изјавија за МИА од Европската комисија, по говорот на Иванов. Читать дальше...

Кинеската влада денеска најави листа на американски производи во вредност од 60 милијарди долари, која вклучува кафе, мед и индустриски хемикалии, како одговор на новите закани од Вашингтон за зголемување на царините. Кинеското Министерство за финансии ја обвини администрацијата на претседателот Доналд Трамп дека ја загрозува светската економија, откако предложи воведување дополнителни давачки од 25 отсто за кинески производи во вредност од 200 милијарди долари, поради спорот околу политиката на Пекинг кон технолошките компании. Читать дальше...

Рускиот претседател Владимир Путин го назначи Сергеј Баздникин за амбасадор во Република Македонија, јави ТАСС. Од кабинетот на рускиот претседател Путин соопштија дека тој го именуваше Баздникин за нов амбасадор на Русија во Македонија. Указот за назначување на новиот амбасадор беше објавен заедно со друг указ, со кој Путин го ослободува од должност досегашниот амбасадор Олег Шчербак, кој на таа функција беше од 2010 година. Сергеј Баздникин е поранешен заменик на началникот на Департментот... Читать дальше...

Фокус пренесува дека референдумот е закажан, а енигма се бојкотот и цензусот. Капитал, пак, пишува дека се исплатени сите заостанати земјоделски субвенции.

Српскиот претседател Александар Вучиќ денеска им упати „отворено писмо на граѓаните на Косово и Метохија“, во кое ги повикува косовските Срби да не реагираат на евентуални провокации и смислени дезинформации.  Во писмото Вучиќ им порачува на косовските Срби дека Србија е „подготвена да ја изврши својата обврска кон нив“ и ако биде неопходно да ги заштити нивните животи и мир, но и апелира до нив „да не преземаат ништо што поединци меѓу Албанците или дел од меѓународната заедница, би го искористиле како изговор за преземање какво било акции“. Читать дальше...

Косовскиот претседател Хашим Тачи денеска најави дека на преговорите во Брисел ќе ѝ го предложи на Србија историското барање на Албанците од Прешево, Бујановац и од Медвеѓа да се припојат кон Косово, иако знае дека ќе биде одбиен. На прашањето што ќе се случи ако на наредниот состанок со српскиот претседател Александар Вучиќ на маса биде ставен предлог за размена на Прешевската долина за северот на Косово, Тачи рече дека ја познава „одлучноста и непоправливоста“ на српскиот претседател Вучиќ кога е во прашање Косово. Читать дальше...

Премиерот Зоран Заев денеска обелодени дека ѝ понудил на ВМРО-ДПМНЕ да влезе во Владата за заедно да го „одработат“ референдумот. Опозициската партија го одбила ваквиот предлог, но останала цврсто на барањето за амнестија. „Дадов понуда до 2020 да бидам премиер, но подготвен сум да го споделам својот мандат со ВМРО-ДПМНЕ, да го одработиме референдумот, но го одбија тоа. Им испратив покана да влезат во Владата додека не станеме полноправна членка на НАТО, до крајот на 2019, почетокот на 2020 година кога ќе почнат и преговорите со ЕУ. Читать дальше...

Русија ги опиша како „хистерија“ американските обвинувања за руско мешање во американските избори, по наводите на американските разузнавачки агенции дека Москва продолжува со обидите да се меша. „Не само што оваа хистерија, која трае две години, околу наводното руско мешање кое никогаш не се случило, ги нарушува билатералните односи, туку го прави смешен целиот американски политички систем“, рече портпаролката на руското МНР, Марија Захарова, на денешната прес-конференција. Повеќе американски... Читать дальше...

Со уривање на 61 дивоградби, кои се сметаат за опасни за јавната безбедност, грчката Влада започнува со „битката“ против нелегално изградените објекти. Како што јави дописничката на МИА од Атина, на денешната средба на грчкиот премиер Алексис Ципрас со министерот за животна средина и енергија Јоргос Статакис, било одлучено да се испратат известувања и да започне уривањето на 27 дивоградби изградени во коритото на поранешна река во областа Мандра (населбата во која лани во поплави загинаа 20 лица)... Читать дальше...

Трајно решение за Косово ќе значи одржливо реалистично решение според меѓународното право, а двете страни ја дефинираат заедничката основа за взаемна согласност, изјави Маја Коцијанчич, портпаролка на високата претставничка на ЕУ за надворешна политика и безбедност Федерика Могерини. „Дијалогот со посредство на ЕУ има за цел да промовира долготрајна соработка помеѓу страните, да им помогне да постигнат напредок на патот кон Европа и да ги подобрат животите на луѓето. Трајно решение значи одржливо... Читать дальше...

Идентификувани се неколкумина од лицата, кои вчера ширеа говор на омраза и фрлаа со предмети кон владината делегација и странските дипломати, кои учествуваа на празнувањето на Илинден во Крушево, потврдија за МИА извори од истрагата. Полицијата преку видеоснимки идентификувала неколкумина од учесниците во инцидентите и тие изутринава се повикани во полициски станици на разговор.  Изворите од истрагата за МИА нагласуваат дека откако таа ќе заврши сите сознанија ќе бидат доставени до надлежното обвинителство.

Косовскиот премиер Рамуш Харадинај денеска по седницата на косовскиот Совет за национална безбедност ги предупреди Србите од северно Косово дека Приштина ќе одговори на нивниот можен обид за прогласување на автономија. „Никој нема право да презема унилатерални акции“, изјави Харадинај на конференција за печатот, додавајќи дека нема да се толерира кршењето на косовските закони. Харадинај најави и дека работната група утре ќе може да го поднесе извештајот за нацртот на статутот на Заедницата на српски општини. Читать дальше...

Еден американски државјанин е приведен на рускиот Далечен Исток, откако случајно стигнал во областа со гумен чамец, соопштија денеска руски претставници. Руската новинска агенција ТАСС објави дека граничарите го привеле Американецот поради нелегално преминување на границата, додавајќи дека инцидентот се случил вчера. Одредени медиуми објавија дека тој побарал политички азил во Русија, но ТАСС, повикувајќи се на извори во руската влада, дека Американецот бил сослушан, не барал азил и е одведен во притвор. Читать дальше...

Поради состојбата во северно Косово, српскиот претседател Александар Вучиќ за утре претпладне свика итна седница на Советот за национална безбедност на Србија, јави српскиот јавен сервис РТС. Според телевизијата, на седницата ќе се разговара за тоа „како да се заштитат српските интереси и народ во Косово, а ќе се разгледува и актуелната безбедносна ситуација“. Српските медиуми информираат дека поради информациите според кои, „во следните 48 часа може да се случи дестабилизација на безбедносната ситуација во северниот дел на Косово... Читать дальше...

Јасно и очекувано е дека СДСМ преку манипулации се обидува да изврши притисок врз претседателот Ѓорѓе Иванов, поради неговите политики и цврсти ставови во одбрана на достоинството на македонскиот народ и граѓаните на Република Македонија, а во врска со неприфаќањето на штетниот грчки договор, пишува во реакцијата на Кабинетот на претседателот на државата, по обвинувањата на СДСМ за неговиот вчерашен говор на Мечкин Камен. „Вистината боли, дотолку повеќе што раководството на СДСМ е свесно за предавството коешто го нуди на македонскиот народ. Читать дальше...

Организацијата за европска безбедност и соработка (ОБСЕ) соопшти дека од почетокот на годината во конфликтите во источниот дел на Украина загинале над 160 луѓе, а од почетокот на воената криза, која почна пред четири години, загинале над 10 илјади. „Само во јули загинаа седум луѓе во конфликтите во Украина. Ситуацијата во регионот Донбас е нестабилна и непредвидлива”, изјави ​Александар Хјуг од набљудувачката мисија на ОБСЕ. Во 2015 година беше постигнат мировен договор, но тој постојано се прекршува.

По вчерашниот инцидент на Мечкин Камен, кога дел од официјалните делегации на прославата на Илинден, беа вербално нападнати и кон нив беа фрлани предмети, Министерството за одбрана информираше дека формирало Комисија за покренување постапка против професионалниот војник Мартин Богоевски кој бил препознаен на видео снимка од инцидентот. „За да се добие увид во ситуацијата и во заднината на случувањата, професионалниот војник Богоевски денеска е повикан на разговор и на распит во Воената полиција. Читать дальше...

Европската платформа за одговор на руската пропаганда, „ЕУ вс Дисинфо“, денеска ги објави резултатите на истражување на српска невладина организација ЦРТА, за состојбата со медиумите и дезинформациите во регионот. Според истражувањето, во Македонија најчести се медиумските објави кои се повикуваат на „анонимни извори“, додека Србија води во медиумски објави без никакви наведени извори. Во Македонија неименуваните извори се најчесто неутрални кон ЕУ, по што следат про-ЕУ објавите и анти-САД објавите. Читать дальше...

Бразилка на 31-годишна возраст бил ауапсена на истанбулскиот аеродром „Ататурк“ откако во нејзиниот стомак биле пронајдени 51 капсула со кокаин, со вкупна тежина од 600 грама, објави АП.  Според аеродромската полиција, се работи за државјанка на Бразил, која во Истанбул допатувала од бразилскиот град Сао Паоло.  Иако во нејзиниот багаж немало ништо сомнително, полицијата сепак ја испратила Бразилката на дополнителна контрола со магнетна резонанца во болница, при што е откриена дрогата во нејзиниот стомак. Читать дальше...

Иако кампањата за референдумот е официјално почната, поголемите политички субјекти се уште немаат позасилена јавна пропаганда. На социјалните мрежи засега едни од најактивните се неформалните групи.

Авганистанските власти се уште не испратиле потврда до МНР во врска со веста дека македонски државјанин е киднапиран и убиен на територија на Авганистан, велат од македонското Министерство за нафворешни работи. Оттаму за МИА рекле дека „вчера веднаш по веста испратиле барање за официјална информација до авганистанските институции и оти по добивање на официјална информација од властите во таа земја, согласно законските процедури, ќе го известат Министерството за внатрешни работи“. Странски медиуми вчера претпладнето јавија дека три лица... Читать дальше...

Претседателот Ѓорѓе Иванов во говорот за Илинден кој траеше повеќе од половина час, според експертите, испратил пораки кои не доликуваат на функцијата која ја претставува. Според нив, тој не помага за напредокот на Македонија и не дејствува во нејзин интерес.

Повеќе илјади работници од Северна Кореја биле пуштени во Русија и со дозвола од Москва добиле работни дозволи, што претставува потенцијално кршење на санкциите од ОН, објави „Волстрит журнал“. Цитирајќи податоци од руското МНР, „Волстрит журнал“ објави и дека над​10.000 севернокорејски работници се регистрирани во Русија од септември минатата година, а од почетокот на оваа година се издадени 700 нови лиценци. Со ова, коментира весникот, Русија потенцијално ги прекрши санкциите на ОН воведени... Читать дальше...

Горазд Бартол, шефот на Канцеларијата на НАТО во Скопје се надева дека следната година, кога Алијансата ќе одбележи 70 години од основањето, во седиштето на НАТО во Брисел ќе се вее и македонското знаме.  Морнаричкиот капетан Бартол, во интервју за МИА, појаснува дека Македонија на Самитот во Брисел добила покана за членство и ги почнала, како што вели, пристапните разговори, а не преговори. „Сите ние не треба да заборавиме дека само пред нешто од повеќе од една година, земјава беше на работ на голема внатрешна нестабилност. Читать дальше...

Американскиот државен секретар Мајк Помпео и шефот на турската дипломатија Мевлут Чавушоглу се сретнаа за да ги намалат тензиите меѓу двете земји, објави АП. „Помпео и Чавушоглу, денеска во Сингапур, се договорија да продолжат да се обидуваат да ги решат спорните прашања меѓу двете земји“, соопшти Стејт департментот. САД воведоа санкции против министрите за правда и за внатрешни работи на Турција Абдулхамит Ѓул и Сулејман Сојлу поради случајот со американскиот пастор Ендрју Бренсон кого турските власти го обвинија за поддршка на тероризам. Читать дальше...