Новости за 04.11.2018

Портпаролот на ВМРО-ДПМНЕ, Димче Арсовски денеска обвини дека СДСМ ќе ја преплати изградбата на автопатот Кичево – Охрид. Според него, СДСМ која посочувала дека автопатот е платен прескапо, а проекциите од претходната власт биле дека ќе чини околу 375 милиони евра, сега СДСМ за него ќе потроши дополнителни 187 милиони евра или за половина повеќе од она што беше според проектот проектирано. Министерот за транспорт и врски од редовите на СДСМ Горан Сугарески, како што наведе Арсовски, во 2017 тврдел... Читать дальше...

Инаугурацијата на новоизбраните членови на Претседателството на Босна и Херцеговина ќе се одржи на 20 ноември во Сараево, изјави денеска новоизбраниот српски член на Претседателството, Милорад Додик. На општите избори во БиХ одржани во октомври, избрани се нови членови на Претседателството на БиХ , Милорад Додик, Жељко Комшиќ и Шефик Џаферовиќ. Додик изрази желба, пред полагањето на заклетвата во Претседателството, да положи посебна заклетва пред Народното собрание на Република Српска.

Повеќето од гласачите се изјасниле со против на референдумот за независност на Нова Каледонија од Франција. Според прелиминарните резултати, повеќе од 80 проценти гласачите биле против, а излезноста изнесува речиси 57 проценти. Францускиот претседател Емануел Макрон изјави денеска дека жителите на Нова Каледонија избрале да останат Французи. Според него, тие гласале со доверба во Франција за нејзината иднина и вредности. Островите кои ја сочинуваат Нова Каледонија се наоѓаат во Јужниот Пацифик.

Руската полиција уапсила најмалку 8 демонстранти на антивладините протести кои се одржуваат за време на прославата на Денот на национално единство во земјата. Во истовреме се одржува и марш низ улиците на Москва за одбележување на празникот. Празникот беше воспоставен од Кремљ пред повеќе од 10 години со цел да се замени со прославата на годишнината од револуцијата на болшевиците. Рускиот претседател Владимир Путин го користи празникот да промовира патриотизам, да го консолидира општеството и да ја зајакне контролата на Кремљ. Читать дальше...

Египетските безбедносни сили убиле 19 исламски милитанти кои припаѓале на ќелија која се верува дека е одговорна за нападот врз христијани во покраината Минја при кој загинаа 7 лица. Египетските власти не ја објавија точната локација каде се случила престрелката. Милитантната група Исламска држава ја презеде одговорноста за нападот во Минја кој се случи во петокот, но не посочи докази за нејзината вмешаност.

Најмалку 12 лица загинале на Сицилија при што бројката на жртви како последица на невремето во Италија се искачи на 29, соопштија властите. Поројниот дожд кој предизвика лизгање на земјиштето и поплави однесе 10 животи во Палермо и регионот околу градот. Неколку лица се водат за исчезнати. Италијанскиот премиер Џузепе Конте на Твитер најави дека ќе го посети островот и дека е во постојан контакт со локалните власти за ситуацијата на Сицилија.

Русија го одбележува Денот на национално единство при што се очекува националисти и поддржувачи на власта да излезат на марш низ улиците на Москва. Празникот беше воспоставен од Кремљ пред повеќе од 10 години со цел да се замени со прославата на годишнината од револуцијата на болшевиците. Рускиот претседател Владимир Путин го користи празникот да промовира патриотизам, да го консолидира општеството и да ја зајакне контролата на Кремљ. Прославите во изминатите години беа проследени и со антивладини протести. Читать дальше...

Пакистанската полиција поднесе обвинение против стотици демонстранти за подметнување пожар, вандализам и насилство за време на протестите кои избувнаа откако една христијанка беше ослободена за богохулење кое се казнува со смртна казна во земјата. Тврдокорна исламистичка партија спроведе низа протести низ земјата при што демонстрантите блокираа главни автопатишта и запалија автомобили и камиони. Тридневните протести завршија на 2 ноември откако властите се согласија да се разгледа ослободителната... Читать дальше...

Илјадници Иранци денеска маршираа во знак на одбележување на годишнината од заземањето на американската амбасада што резултираше со прекинување на дипломатските односи меѓу двете земји. Демонстрантите се собраа пред седиштето на поранешната амбасада на САД каде извикуваа „Смрт за Израел“ и „Долу САД“. Тие запалиле и слика со ликот на американскиот претседател Доналд Трамп, како и знамињата на САД и Израел. На 4 ноември 1979 година, ирански милитанти ја нападнаа амбасадата во Техеран, при што... Читать дальше...

Од ВМРО-ДПМНЕ денеска соопштија дека Владата со воведување на прогресивниот данок е на пат да ја уништи македонската еконoмија. Според опозициската партија, СДСМ со таквата мерка оди спротивно на укажувањата на бизнис заедницата и прогресивниот данок ќе влијае на намалување на платите и намалување на бројот на ново отворени работни места. Власта со зголемување на даноците, како што наведуваат од ВМРО-ДПМНЕ, директно ја стимулира сивата економија и даночната евазија. Со даночната реформа се планира за доходот до 90.000 денари месечно... Читать дальше...

Франција со серија настани од денеска ја одбележува 100 годишнината од крајот на Првата Светска Војна, на кои се очекува да присуствуваат околу 80 светски лидери. Францускиот претседател Емануел Макрон е домаќин на церемониите кои ќе се одржуваат на бојните полиња низ целата земја. Меѓу гостите се очекува да бидат американскиот претседател Доналд Трамп, рускиот претседател Владимир Путин, германската канцеларка Ангела Меркел, како и британската премиерка Тереза Меј.

Израелскиот премиер Бенјамин Нетанјаху ја поздрави одлуката на американскиот претседател Доналд Трамп за продолжување на санкциите врз Иран. Нетанјаху му се заблагодари на Трамп за како што го нарече „историскиот чекор“. Санкциите треба да стапат на сила на 5 ноември и ќе бидат насочени кон енергетскиот и финансискиот сектор на Иран.

Времето во Македонија ќе биде сончево со мала до умерена облачност. Ќе дува слаб до умерен југоисточен ветер.Утринската температура ќе се движи од еден до осум, а дневната од 18 до 23 степени. Во Скопје слично време, сончево со мала до умерена облачност и со слаб до умерен југоисточен ветер. Утринската температура ќе се спушти до седум, а дневната ќе се искачи до 21 степен.

Има процес на стабилизација во делот на банкарскиот систем и девизниот пазар, меѓутоа сè уште се забележуваат ефекти во делот на реалниот сектор, вели Анита Ангеловска – Бежоска, гувернер на Народната банка на Република Македонија, во неделното интервју на Радио Слободна Европа.

Во изминатите 10 години има поволни тенденции во делот на штедењето, независно од кризите и шоковите со кои се соочува економијата. Со слична динамика се движи и задолжувањето на граѓаните со кредити, вели гувернерката на НБРМ, Анита Ангеловска - Бежоска.