Новости за 21.11.2018

Откако Комесарот за проширување на Европската унија, Јоханес Хан на „Твитер“ денеска побара објаснување од унгарската Влада за доделување на политичкиот азил на Никола Груевски, му одговори портпаролот на унгарската Влада, исто така, со објава на Твитер. Портпаролот на Владата на Унгарија, Золтан Ковач, како одговор до Хан напиша еврокомесарот за проширување „да го прочита својот извештај од март 2018 година за Македонија во којшто тој навел ризик од политичко влијание врз судството“.

Македонскиот министер за надворешни работи Никола Димитров, во врска со унгарскиот азил за Никола груевски, денеска изјави дека е „иронија и парадокс земја членка на ЕУ да му даде заштита на осуденик“. „Македонија во решавањето на случајот со унгарските власти ќе инсистира на почитување на владеење на правото и ќе ги земе предвид сите национални интереси вклучувајќи и интересот за добри односи со Унгарија“, рече на денешната заедничка пресконференција во МНР шефот на македонската дипломатија Никола Димитров... Читать дальше...

Ивица Тодориќ, поранешниот директор на хрватската компанија „Агрокор“, кој е осомничен за присвојување на 100 милиони долари, планира да се кандидира за претседател на Хрватска, објавија хрватските медиуми. „Ќе ја освојам власта и ќе ја насочам Хрватска во вистински правец, ќе се кандидирам на изборите“, изјави Тодориќ за хрватските медиуми. Тој вчера беше пуштен од затвор со гаранција од еден милион евра и денеска ја најави својата кандидатура. Претседателските избори во Хрватска ќе се одржат кон крајот на следната година.

Шефицата на европската политика на ЕУ, Федерика Могерини, ја повика косовската Влада итно да ја укине одлуката за зголемување на царината за стоката од Србија и Босна и Херцеговина за 100 отсто. Косовската влада денеска одлучи да ги зголеми тарифите во висина од 100 проценти, по што српскиот претседател Александар Вучиќ одржа вонреден состанок со амбасадорите на Кина, Русија и на ЕУ.

Женскиот младински хор при МКЦ и неговиот диригент, маестро Сашо Татарчевски, го освоија првото место во категоријата на еднородни хорови на силниот меѓународен акапела натпревар „Varsovia Cantat“ во Варшава. Ова е последната од низата шест први награди во последните три години.

Дваесетишестгодишен Норвежанец е обвинет за сексуална злоупотреба на над 300 малолетни момчиња, што претставува до сега најголем ваков случај во Норвешка, објави британскиот весник Гардијан. Според весникот, неименуваниот Норвежанец, кој наводно работел како фудбалски судија, неколку години на назад, преку неколку платформи на интернет, стапил во контакт со стотици момчиња, претежно на возраст од 13 до 16 години, и се претставувал како нивни врсник. Притоа, објави Гардијан, успевал да ги наговори... Читать дальше...

Штуловиот универзитет произведува електрична енергија од сопствени фотоволтаични панели, работат на систем на автоматско вклучување и исклучување на греењето. Институтот за животна средина на универзитетот работи на истражувања како да се намали загадувањето.

Германската канцеларка Ангела Меркел денеска изјави дека е во интерес на Германија да го поддржи Глобалниот договор за мигрантите, кој САД, Унгарија и Полска го одбија. Таа пред германските пратеници рече дека Договорот на мигрантите ќе им обезбеди услови какви што во поголемиот дел од Германија веќе ги имаат. Официјален Берлин смета дека со овој необврзувачки договор, што треба да биде усвоен следниот месец, ќе се намали приливот на мигранти во Германија, бидејќи, согласно договорот, ќе им бидат обезбедени соодветни услови и на други места... Читать дальше...

На доживотен затвор денеска во Турција беа осудени 74 лица, меѓу кои и војници, поради нивната улога во обидот за преврат во јули 2016 година, објавија турските медиуми. Осудени се на строг доживотен затвор под обвинение за „обид за промена на уставниот ред“ и немаат право на амнестија. По обидот за преврат турските власти спроведоа огромна чистка против наводни поддржувачи на Ѓулен, апсејќи околу 160.000 лица, меѓу кои универзитетски професори, воени и државни службеници. Од нив, според Министерството за внатрешни работи... Читать дальше...

Министерот за надворешни работи на Црна Гора, Срѓан Дармановиќ, денеска во Скопје изјави дека Црна Гора немала никаква правна основа да го задржи поранешниот премиер Никола Груевски при преминувањето низ територијата на државата и дека за транзитот на Груевски црногорските служби ги информирале македонските. „Одговорот е едноставен бидејќи нашата позиција беше едноставна. Ние немавме никаква правна основа да го задржиме македонскиот граѓанин односно поранешниот премиер во автомобилот со дипломатски... Читать дальше...

Пратеници на германскиот Бундестаг велат „Унгарија да не се претвора во продолжена рака на автократот Никола Груевски, а Македонија да разјасни дали бегството уследило по дозвола од тамошните власти“, објави Дојче веле. Во изјава за истиот медиум, пратеникот и член на парламентарната комисија за надворешна политика, Јосип Јуратовиќ, вели дека „во случајот Груевски нешто смрди“. „Ако работата се погледне подобро, таа смрди до небо. Случајот Груевски со тоа станува лакмус тест за веродостојноста на правната држава во Унгарија“... Читать дальше...

Владата на последната седница усвоила нов Закон за фитофармација, предложен од Министерството за земјоделство, шумарство и водостопанство, според кој за прв пат во Македонија се дозволува да се употребуваат живи организми во борба против штетници и болести во земјоделието. „За првпат се дозволува законска употреба на живи организми во борба со болести и штетници, како што се инсекти и други животни кои се хранат со штетниците на растенијата, а при тоа не ја загрозуваат животната средина. Се регулира... Читать дальше...

Претседателот на Србија, Александар Вучиќ, попладнево ќе има вонредни средби со амбасадорите на Кина, Русија, ЕУ и членките на Квинтата, а за подоцна закажа и седница на Советот за национална безбедност, по повод најновите мерки на Приштина, соопшти Кабинетот на шефот на српската држава. Оваа реакција следува откако Приштина денеска, и покрај договорот на ЦЕФТА, ги зголеми таксите на стока од централна Србија за 100 проценти, што за српските власти претставува „политички најпредизвикувачка и најтешка... Читать дальше...

Михаел Рот, министер за Европа во германското Министерство за надворешни работи, на својот профил на Титер ги критикуваше унгарските власти поради доделувањето азил на поранешниот премиер Никола Груевски. „Правото на азил е човеково право. Тоа е спасоносен гест на хуманост за политички прогонетите, но не и за пријател на шефот на владата, за да ја избегне правдата. ЕУ мора да остане заедница на демократски и правни држави“, напиша Рот на „Твитер“.

Европската комисија оцени дека против Рим треба да биде отворена постапка поради прекумерен дефицит и повторно го отфрли италијанскиот буџет, објавија новинските агенции. „За Италија, Комисија повторно го процени непочитувањето на критериумот за намалување на долгот. Наоѓајќи се на 131,2 отсто од БДП во 2017, односно 37 илјади евра по глава на жител, јавниот долг во земјата е далеку над референтната вредност од 60 отсто од БДП предвидена во Повелбата“, најави потпретседателот на ЕК, Валдис Домбровскис. Читать дальше...

Косовската влада воведе нови царини од 100 отсто на производите од Србија и од Босна и Херцеговина, со цел зајакнување на домашното производство, економија и на косовската државност. Министерот за трговија Ендрит Шаља ги повика домашните производители да се фокусираат на квалитет, а од трговците побара да бараат нови пазари за соработка. Тој потсети дека косовските производители се соочуваат со многу бариери во Србија и оти нивните производи не се пласираат на српскиот пазар. Косовскиот премиер... Читать дальше...

Владата размислува и ќе донесе одлука да испрати барање за повлекување на одлуката за азил на Никола Груевски, од причини што доколку одлуката е заснована врз определени факти кои не се такви какви што се, државата има право да ја отповика или да ја поништи одлуката, рече денеска министерката за правда Рената Дескоска на настанот за почетокот на твининг проектот „Јакнење на казнено-поправниот систем и пробациската служба“. „Унгарските закони се доста рестриктивни и дури даваат и можности за отповикување на дадена одлука за азил“... Читать дальше...

Европската комисија истакнува дека унгарските власти засега не потврдиле дека одобриле азил за поранешниот премиер Никола Груевски. Поради тоа, ЕК сѐ уште не дава различни коментари од оние кои ги дава последните денови, а тоа е дека процесот не треба да се политизира и дека сите треба да ги почитуваат принципите на владеење на правото, земјите членки како земјите кандидати. Правилото е дека земјите индивидуално одлучуваат за одобрување азил, но ЕК потсетува и дека после години назадување Македонија остварила „добар напедок“ во оваа област... Читать дальше...

Турскиот претседател Реџеп Таип Ердоган денеска изјави дека пресудата на Европскиот суд за човекови права (ЕСЧП) во врска со водечкиот опозициски политичар е еднаква на поддршка за тероризам. Турскиот претседател додаде дека „крвта на 50 луѓе е на рацете на Селахатин Демирташ“. Европскиот суд за човекови права вчера пресуди дека Турција мора да го ослободи Демитраш кого го држи во притвор од 2016 година. Судот соопшти дека првичното апсење на прокурдскиот политичар за бројни обвиненија, вклучувајќи ги и оние за тероризам, било оправдано. Читать дальше...

Со давањето политички азил на поранешниот македонски премиер Никола Груевски во Унгарија, која е членка на ЕУ и на НАТО, се доведува во прашање кредибилитетот на Европа, евротлантската иднина на Македонија, а корист од тоа може да има Москва.

Унгарската Влада ја исклучува можноста за екстрадиција на поранешниот македонски премиер Никола Груевски во Македонија, изјави денеска унгарскиот министер за правда Ласло Трочани. „Груевски, откако доби азил во Унгарија, не може да биде испорачан во земја во која e цел на прогон“, кажа Трочани во интервју за унгарската телевизија „Ехо“. Унгарската служба за имиграција и бегалци вчера му одобри политички азил на Груевски, по кого Македонија распиша меѓународна потерница заради издржување на двегодишната затворска казна. Читать дальше...

Поради краткиот временски период за доставување барање за спровод на поранешниот директорот на УБК Сашо Мијалков од притвор, денешното рочиште за „Тврдина -Таргет“ за незаконското следење на комуникациите е одложено за 4 декември годинава. Во предметот „Тврдина-Таргет“ обвинети се поранешниот началник на Петтата управа во МВР Горан Грујевски и вработениот во УБК Никола Бошкоски, кои се во притвор во Грција, како и поранешната министерка за внатрешни работи Гордана Јанкулоска, поранешниот директорот на УБК Сашо Мијалков... Читать дальше...

Српскиот претседател Александар Вучиќ, коментирајќи го гласањето за прием на Косово во Интерпол, изјави дека не е изненаден како гласале земјите од регионот вчера во Дубаи, наведувајќи ги Македонија, Црна Гора, Хрватска, Словенија, Бугарија како земји кои гласале за приемот на Приштина, а Унгарија како пријателска земја која се воздржала. „Во однос на регионот немаше изненадување. Црна Гора и Македонија се секогаш против нас. Црна Гора, Македонија, Хрватска, Словенија, Бугарија, секогаш се против нас“, рече Вучиќ во изјавата за ТВ Пинк. Читать дальше...

Ова што ни се случува е по свадба, тапани! Но подобро и тоа отколку да ги оставиме да избегаат, велат аналитичари за приведувањето на екс директорот на УБК, Сашо Мијалков. Неговите адвокати најавуваат жалба, а аналитичарите се сомневаат дека притворот е всушност одговор на државата на бегството и азилот на Груевски.

Целосна амнестија за сите обвинети во настаните во Собранието на 27 не е вистинскиот пат на решавање, а за евентуална амнестија решава Координативното тело, велат од Владата. Експертите со став дека Собранието не утврдува факти и не може да постави поинаков степен на одговорност од судот.