Новости за 31.12.2018

Белград е продолжена рака на Москва на Балканот и Приштина веднаш ќе ја укине таксата од 100 отсто на увозот од Србија доколку таа почне да се однесува европски, изјави косовскиот премиер Рамуш Харадинај. „Со тоа што и го отворивме нашиот внатрешен пазар, ние на Србија ѝ дадовме стотици милиони за да купува оружје во Москва. Доколку Србија не се смени, тогаш таксата ќе остане засекогаш. Доколку сака да се договориме за меѓусебно признавање и да работи на Балканот според европската и американската логика, ќе ја укинеме таксата уште денеска. Читать дальше...

Бројот на британски граѓани кои аплицираат за ирски пасош се зголемил за 22 процента во 2018 година, надминувајќи го двапати годишниот број на кандидати од претходните години. Бројот двојно се зголемил по одлуката на Велика Британија да ја напушти ЕУ, информираше ирското МНР. Речиси 100.000 Британци посакале да го задржат своето европско државјанство со добивање на пасош од својот најблизок сосед оваа година, додека минатата година тој број достигна 81.000. Околу 45.000 апликации за ирско државјанство биле поднесени во 2015 година... Читать дальше...

Одделот за Кривично полнолетни при Основниот суд Скопје 1 – Скопје постапувајќи по добиени барања согласно Законот за амнестија на настаните од 27 април 2017 година во Собранието на Република Македонија, а по добиени мислења од надлежното обвинителство, во Законски утврдениот рок донесе решенија со кои барањата на М.С., А.З., М.Ц. и В.Н. опфатени во предметот со К.бр. 752/17 како и барањето на А.Ш. опфатен во предметот со К.бр. 1013/18 ги уважи. Од Основен суд Скопје информираат дека девет други... Читать дальше...

Министерот за внатрешни работи, Оливер Спасовски, вели дека јавноста со право негодува за бегството на Никола Груевски и дека тоа бегство отворило прашања и за пропусти, но дека МВР не поседувало законски права да го следи поранешниот премиер. „Станува збор за човек кој е олицетворение на режим кој владееше во оваа држава 11 години. Многу неправди беа нанесени, многу човечки судбини уништени заради своеволието на овој човек. Бегството отвори многу дилеми и се постави прашањето за постапките или... Читать дальше...

Набавката на онколошката терапија ќе се централизира и ќе биде за две години, соопшти денеска на прес-конференција министерот за здравство Венко Филипче. „Најскапата онколошка терапија со години наназад ја набавуваат четири клиники. Со тој дисперзиран начин на набавка тендерските постапки траат многу долго, а пациентите многу често се соочени со недостиг на лекови и многу често станува збор за условни буџети од Фондот за здравствено осигурување. Наместо 15 до 20 набавки во текот на годината, како што беше досега... Читать дальше...

МВР, во пресрет на новогодишната ноќ, апелира до граѓаните максимално да се воздржат од употребата на пиротехнички средства, како и од други нарушувања на јавниот ред и мир, во спротивно секоја неовластена употреба ќе биде казнувана од 200 до 500 евра. „Неовластената употреба на пиротехнички средства е казнива согласно Законот за прекршоци против јавниот ред и мир, Законот за заштита од експлозивни материи и Кривичниот законик на Република Македонија“, стои во соопштението од МВР. Неовластената употреба на пиротехнички средства... Читать дальше...

Романија од први јануари првпат го презема претседателствувањето во Советот на ЕУ. Романското претседателство ќе управува со агендата на ЕУ во наредните шест месеци, кои ќе бидат впрочем и меѓу најтешките, бидејќи во следниот семестар треба да се најде решение за напуштањето на Велика Британија на ЕУ и да се подготват мајските европски парламентарни избори кои можат значајно да ја сменат политиката во Унијата. Романија последниве месеци, па и година, се соочува со сериозни критики за „уназадување на демократијата“... Читать дальше...

Триесетина деца на членови на терористичката Исламска држава доцна синоќа биле евакуирани со специјален лет од Багдад за Москва, објавија новинските агенции, повикувајќи се на локални риски медиуми. Претседателот на Чеченија Рамзан Кадиров на својот профил на Телеграм напиша дека децата се спасени од притвор во Ирак каде што биле со своите мајки. Тој информираше дека 24 деца се од Дагестан, три се од Чеченија, а останатите од Москва и Пенза.

Новата 2019 година први ја дочекаа жителите на островите Самоа и Кирибати. Самоа е остров со 180.000 жители, кој поради економски причини ја смени страната на датумската граница и сега во Новата година место последна, влегува прва. Киритимати или Божиќниот остров е најисточниот дел од пацифичката островска држава Кирибати и затоа неговите жители први влегуваат во новата година. Први јануари последни ќе го дочекаат во Американска Самоа и на островот Нију во јужен Пацифик, кај кои новата 2019 година, по средноевропско време, ќе стигне утре.

Најмалку четворица загинале, а 68 се водат како исчезнати по експлозија на гасоводен систем во станбена зграда во рускиот град Магниторск, јужен Урал, објавија новинските агенции, повикувајќи се на руски медиуми. Во експлозијата целосно бил урнат дел од станбен комплекс со 48 станови. Заменик гувернерот на Чељабинската област, Олег Климов, изјавил дека дел од станарите биле евакуирани во едно училиште, а повредените се  хоспитализирани. Според првичните податоци, причина за несреќата е експлозија на гас. Читать дальше...

Лондонската полиција уапси 39 луѓе во британската престолнина, осомничени за обид за убиство откако еден маж беше избоден со нож во западниот дел на градот, објавија британските медиуми. Полицијата навела дека нападнатиот маж, кој е на 30-годишна возраст, се здобил со сериозни повреди и дека е во животна опасност. Полицијата информираше дека со дополнителни информации ќе излезе во текот на денот.

Руската Федерална служба за безбедност денеска соопшти дека уапсила американски државјанин осомничен за шпионирање. Тој бил уапсен на 28 декември во Москва и против него била отворена кривична истрага. Руската новинска агенција ТАСС јави дека Американецот, доколку биде прогласен за виновен, се соочува со казна затвор од 10 до 20 години. До ова доаѓа ден откако рускиот претседател Владимир Путин во новогодишната честитка до американскиот претседател Доналд Трамп рече дека Москва останува отворена за дијалог со Вашингтон. Читать дальше...

Турската полиција спроведе масовна операција против осомничени припадници на џихадистичката група Исламска држава (ИД) во неколку региони на Турција, објавија светските новински агенции. Во операцијата, чија главнина била во Истанбул и Анкара, се уапсени вкупно 115 лица, под сомневање за членување и врски со ИД. Според полициски извори, дел од уапсените планирале да извршат терористички напади во текот на новогодишната ноќ. Поголемиот број од уапсените претходно се бореле во редовите на ИД во Сирија или Ирак.

Грчкиот премиер Алексис Ципрас по 18 јануари ќе донесе одлука кога Преспанскиот договор ќе биде поднесен за ратификација во грчкиот Парламент, „до кога се очекува тој да ја мине соодветната процедура во Скопје“, изјави портпаролот на грчката Влада Димитрис Ѕанакопулос, цитиран од електронското издание на „Катимерини“. „Во моментов се прават потребните „парламентарни комбинации за ратификација на Договорот и тие се интензивни“. Конкретно на прашањето дали ќе се собере неопходното мнозинство од 151 глас... Читать дальше...

Рокот за регистрација во електронскиот систем на УЈП на сите даночни обврзници истекува денеска. Регионалните канцеларии на Управата за јавни приходи (УЈП) ќе работат денеска до 16.30 часот, за сите оние граѓани кои досега не ја завршиле оваа задолжителна обврска. Наменски отворените канцеларии во скопските населби Аеродром, Гази Баба, Ѓорче Петров и Кисела Вода денеска нема да работат, освен канцеларијата во Чаир. Според УЈП, заклучно со петокот се пријавиле над 620 илјади даночни обврзници. Читать дальше...

Преговорите со Грција, постигнатиот договор кој беше потпишан во Преспа, потоа одржаниот референдум за одредбите од тој договор, како и процесот на измени во уставот како резултат на спогодбата, беа доминантните теми на политички план кај нас во изминатата година.

За време на новогодишната ноќ во Франција ќе бидат разместени над 147 илјади припадници на безбедносните сили, а демонстрантите од движењето „Жолти елеци“ најавуваат дека ќе и се придружат на јавната прослава на Елисејските полиња во Париз. Министерството за внатрешни работи соопшти дека безбедносните мерки биле потребни поради „сериозни терористички закани“ и поради можни непријавени протести. „Жолтите елеци“ од средината на ноември организираат демонстрации поради најавеното зголемување на данокот за гориво... Читать дальше...

Германската канцеларка Ангела Меркел изјави дека нејзината земја ќе бара да презема повеќе одговоронст во светските работи во идната година. Во новогодишното обраќање таа прецизира дека Германија ќе продолжи да бара глобални решенија за тешките меѓународни прашања, како климатските промени, миграцијата и борбата против меѓународниот тероризам. Германија од први јануари го почнува двегодишното членство во Советот за безбедност на Обединетите нации.

Рускиот амбасадор во Белград Александар Чепурин изјави дека претстојната посета на претседателот Владимир Путин на Србија ветува дека ќе биде динамична и плодна и оти ќе го одреди правецот на развојот на руско српските врски во 2019 година. Во авторскиот текст објавен во весникот „Политика“, амбасадорот Чепурин прецизира дека акцент ќе биде ставен врз соработката во развојот на информациските и дигитални технологии, како и изградбата на гасоводот Бугарија-Србија-Унгарија.

Со дезинформации на социјалните мрежи, хакерски напади и лажни вести место калашникови, Русија својата т.н. хибридна војна против Западот ја води и на Балканот, каде државите како Македонија, иако се евроатлантски ориентирани, не се во ЕУ и НАТО и како такви се најранливи, велат експертите.

Полицијата во босанскиот град Бања Лука растури десетици демонстранти кои по прошетката низ улиците останаа во центарот на градот. Претходно во неделата илјадници луѓе се собраа во знак на поддршка на родителите на Давид Драгичевиќ во брањето вистина за смртта на нивниот 21-годишен син. Протести имаше и во Сараево.

Неколку илјади граѓани повторно се собраа синоќа во центарот на Бања Лука по што се упатија на протестна прошетка по улиците на градот, барајќи правда за убиеното момче Давид Драгичевиќ и оставка на министерот за внатрешни работи на Република Српска Драган Лукач. Татко на убиеното момче Давор Драгичевиќ најави дека ќе протестира додека Лукач не поднесе оставка и додека не бидат уапсени убијците на неговиот син. Во истовреме во Сараево беа одржани протести „Правда за Давид“, „Правда за Џенан“. Џенан... Читать дальше...

Бројот на убиства на новинари и медиумски работници повторно е зголемен во 2018 година по падот во претходните шест години, соопшти Меѓународната федерација на новинарите. Во годишниот извештај објавен денеска се наведува дека во 2018 година во светот биле убиени 94 работници во медиумите, 12 повеќе од претходната година. Најмногу новинари и медиумски работници настрадаа во Авганистан каде што имало 16 убиства. Следуваат Мексико со 11, Јемен со 9 и Сирија со 8 убиства во 2018 година.

Во Македонија ќе биде претежно облачно со повремен слаб локален снег. Ќе дува слаб ветер од северен правец, а вдолж Повардарието ќе се засилува. Утринската температура ќе се движи од минус шест до минус два, а дневната од еден до осум степени. Во Скопје и околината слично време. Утринската температура ќе биде околу минус четири, а дневната ќе достигне до шест степени.