Новости за 01.01.2019

Четири лица ноќеска биле повредени во градот Ботроп во централниот дел на Германија, кога возач намерно влетал во насобраните луѓе, а според првичните информации, мета на нападот биле странци, информира германската полиција. Локалната полиција соопшти дека 50-годишен маж со Мерцедес намерно влетал во луѓето нешто по полноќ. Возачот удрил во еден Сириец и Авганистанци. Полицијата брзо го фатила возачот, чиј идентитет не се соопштува. Локалните власти соопштија дека за време на апсењето возачот имал негативни коментари на сметка на странците.

Дванаесетгодишно момче од Штип синоќа е повредено по пукање петарди. Момчето и неговите другари во текот на новогодишната ноќ ставиле неколку петарди во тенџере, но по пукањето на петардите тенџерето летнало и удрило директно во главата на момчето по што завршило на Одделението за хирургија во клиничка болница – Штип. Момчето е во добра здравствена состојба. Екипата на штипската Итна медицинска помош ноќеска имала 40 амбулантски прегледи и 13 домашни посети на пациенти. Според портпаролот на СВР-Штип... Читать дальше...

Владина делегација положи цвеќе на гробот на поранешниот претседател на Република Македонија, Киро Глигоров. „Како прв претседател на самостојна и независна Република Македонија, Глигоров имаше клучна улога во процесот на политичкото осамостојување на Македонија и нејзиното меѓународно признавање. Остануваат запаметени, меѓу другото, и неговите ставови за добрососедските односи дека „ние со сите наши соседи сакаме да имаме добри, пријателски односи, да имаме што поотворени граници, и да се свртиме кон оние проблеми кои не обединуваат... Читать дальше...

Руските спасувачи пронашле живо 11 месечно бебе под урнатите на станбената зграда која се урна по експлозија на плин во рускиот град Магнитогорск. Бебето било пронајдено по 35 часа од несреќата во услови на температури под нулата. Најмалку осум луѓе загинаа, а десетици сè уште се под урнатините. Урнати се 26 станови во кои имало 46 жители. Магнитогорск се наоѓа на 1700 километри југоисточно од Москва.

Претседателот на Македонија и врховен командант на вооружените сили на АРМ, Ѓорге Иванов придружуван од началникот на ГШ на АРМ, генерал-мајор Васко Ѓурчиновски денеска ги посети и им ја честита Новата 2019 година на припадниците на АРМ во касарната „Чеде Филипоски -Даме“ во Кичево. Претседателот Иванов на сите припадници на АРМ им искажа огромна благодарност за сето она што го прават за Република Македонија извршувајќи ги професионално своите обврски и при тоа на војниците во Кичево им подари телевизор. Читать дальше...

Новогодишната ноќ помина мирно без поголеми нарушувања на јавниот ред и мир, изјави министерот за внатрешни работи Оливер Спасовски, кој денеска го посети граничниот премин „Богородица“ кај Гевгелија. Тој изрази очекување дека новата година ќе биде успешна година. На новинарско прашање дали ќе се кандидира за претседател на државата, Спасовски одговори дека во моментот размислува исклучиво на реформите во МВР, да се подобрат условите за работа и да завршат процесите кои ќе значат напредок за Република Македонија.

Косовскиот претседател Хашим Тачи честитајќи им ја Новата година на граѓаните порача дека 2019 ќе биде година на постигнување конечен договор меѓу Косово и Србија, јави дописникот на МИА од Приштина. „Додека 2018 беше година на Војската на Косово, годинава која штотуку започна ќе биде година на отворање на границата меѓу Косово и Албанија и на постигнување конечен договор меѓу Косово и Србија“, напиша косовскиот претседател на Фејсбук.

На Клиниката за токсикологија ноќеска се примени 24 пациенти, сите во алкохолизирана состојба. Тие се веќе пуштени на домашно лекување. Хоспитализирани се и тројца корисници на психоактивни супстанци, од кои двајца се веќе дома, а една пациентка се уште е на опсервација. Како што изјави денеска министерот за здравство Венко Филипче, во Ургентниот центар во Скопје за време на новогодишната ноќ биле третирани околу 60 пациенти, главно повредени во сообраќајки, при физички напад, од посекотини од стакло и пиротехнички средства... Читать дальше...

Огномети, концерти, масовни венчавки, но и по некоја трагедија, ја одбележаа „најлудата ноќ“.

Неколку припадници на авганистански безбедносни сили се убиени од страна на талибанските милитанти во новите напади врз неколку безбедносни контролни пунктови во северната провинција Сар е-Пул, информираа авганистанските власти. За новинската агенција Асошиејтед Прес портпаролот на талибанците, Кари Јусуф Ахмади, изјавил дека тие се одговорни за нападите.

Најмалку осум луѓе загинае, а десетици се водат за исчезнати откако се урна дел од станбена зграда по експлозија на гас во рускиот град Магнитогорск, во пресрет на новогодишната ноќ. Операциите за спасување привремено биле прекинати поради стравувањата дека може да се урнат и други делови од зградата, изјави рускиот министер за вонредни состојби, Евгениј Зиничев, на 1-ви јануари. Од Министерството за вонредни ситуации соопшти дека биле уништени 26 станови во кои имало 46 жители.

Првото бебе родено годинава во Скопје е машко. Родено е една минута по полноќ на Клиниката за Гинекологија и акушерство во Скопје. Мајката на бебето е од скопската населба Хиподром, а ова е прво нејзино дете.

Министерот за надворешни работи Никола Димитров вели дека со Договорот од Преспа е постигнато најдоброто за Македонија, секако и за Грција и дека е направен баланс. „Договорот е најдоброто можно решение за двете страни и ако се помести балансот за да биде подобар за едната или за другата страна, нема да има договор, туку национални позиции“, вели Димитров во интервју за МИА. Тој за процесот на уставни измени во Собранието вели дека моментот е истористи и со тоа се наметнува потреба од голема мудрост... Читать дальше...

Од денеска почнуваат да функционираат три дежурни пунктови во Здравствениот дом Скопје и тоа во поликлиниките Бит Пазар, Јане Сандански и во Ѓорче Петров, каде граѓаните најпрво ќе може да побараат здравствена помош за своите деца наместо да одат во Клиниката за детски болести или во Детската болница Козле. Пунктовите ќе функционираат од понеделник до сабота од 19:30 до 07:30 часот, а лабораториите ќе работат секој ден до 23:30 часот. Во недела пунктовите ќе работат 24 часа, а лабораториите ќе работат од 8 до 23:30 часот. Читать дальше...

Романија го презеде ротирачкото претседателство со Европската унија во време кога Унијата се соочува со претстојното заминување на Британија и со зголемувањето на национализмот во многу земји-членки. Шестмесечното претседателствување е по мотото „ Зближувањето - заедничка европска вредност“. Ова е првпат Романија да го преземе претседателството. Пред два дена во интервју за германски медиум, претседателот на Европската комисија Жан-Клод Јункер изјави дека „владата во Букурешт не сфатила целосно што значи да претседава со земјите од ЕУ“. Читать дальше...

Грчкиот премиер Алексис Ципрас во неговата новогодишна порака до Грците рече дека е убеден оти Договорот од Преспа ќе биде ратификуван од грчкиот Парламент, јави дописничката на МИА од Атина. Ципрас во обраќањето до граѓаните рече дека 2019 ќе биде година на големо надградување на меѓународниот углед и меѓународната улога на Грција, на европско и меѓународно ниво, „како сила на стабилност, мир и соработка во поширокиот дестабилизиран регион“. „Во овој обид, важен чекор е Договорот од Преспа, кој ќе биде ратификуван од грчкиот Парламент... Читать дальше...

Времето денеска ќе биде сончево со умерена облачност и со умерен повремено засилен ветер од северен правец. Дневната температура ќе се движи од 1 до 7 степени. Во Скопје дневната температура ќе достигне 5 степени. Висината на снежната покривка до седум часот е 13 сантиметри на Попова Шапка, девет во Маврово и Крушево, како и пет во Лазарополе. Под влијание на студен и влажен бран од утре попладне и во наредните денови времето ќе биде променливо облачно и многу студено со повремени врнежи од снег со променлив интензитет. Читать дальше...

Се зготви новото име со уставните амандмани. Пратениците кои на 27 април им ги отворија вратите на насилниците во Собранието, потоа ги отклучија портите на Македонија за влез во ЕУ и НАТО, за ним да им се откучат портите од Идризово. Груевски доби затвор за тоа на М, па се „оддалечи“ во Унгарија.