Новости за 28.02.2019

Според првичните информации, вечерва околу 18 часот и 35 минути во полицијата е пријавено дека на булевар „Партизански одреди", во Скопје имало престрелка и најверојатно било пукано од едно возило во друго. Нема повредени во овој инцидент, а полицијата е на терен и врши увид на местото на настанот, потврдуваат од МВР. Оттаму додаваат дека полициските службеници работат на расчистување на случајот.

„Музиката во македонскиот игран филм: од ФРОСИНА до ЛАЗАР“ е насловена книгата на д-р Александар Трајковски, вонреден професор на Универзитетот за аудиовизуелни уметности ЕФТА во Скопје, што како издание на Кинотеката на Македонија се појави деновиве.

Портпаролката на албанската Влада и актуелен државен министер за односи со Парламентот, Елиса Спиропали оцени дека делегацијата на Европскиот парламент јасно кажала дека нема преодна влада. Ставот на европарламентарците, според неа, значи отфрлање на тврдењата на опозицијата во врска со легитимноста на изборите и Парламентот. “Парламентот и Владата се легитимни, избрани со гласање, а проблематиката на изборите тие не ја доведоа во прашање. Нивниот став беше јасен, нема преодна влада. Прислушувањата... Читать дальше...

Косовскиот премиер, Рамуш Харадинај изјави дека се согласува со суспендирањето на зголемените такси за стоки од Србија, но подвлече дека тоа треба да се направи кога ќе биде познато што точно пишува во договорот со кој ќе се стави крај на дијалогот со Белград. Харадинај, како што пренесува „Косова прес“, рекол дека е тешко да се донесе одлука за суспензија на таксите, доколку не се знае што ќе биде со дијалогот, односно што ќе биде напишано во договорот. „Тешко е да се донесе одлука за суспендирање на таксите во овој момент. Читать дальше...

Министерството за здравство во Конго објави дека четворица пациенти кај кои била потврдена ебола исчезнале по вчерашниот напад врз медицински центар во источниот град Бутембо. Ова е втор напад врз центар за третман на ебола во текот на неделата, објави агенцијата АП. Напаѓачите во неделата нападнале и друг центар во Катва, при што едно лице го загубило животот, а друго е рането. Министерството синоќа објави дека во таа ситуација побегнале 32 од 38 пациенти за кои постоеле сомненија дека имаат ебола. Читать дальше...

Медиумите јавуваат дека владејачката коалиција договори заеднички кандидат за претседател. Пишуваат и за секојдневните случаи на непотизам при вработување во администрација и за неизгласувањето на одземање на пратеничкиот имунитет на Трајко Вељаноски обвинет за 27 април.

Излезот на Велика Британија од Европската унија, закажан за 29 март може да биде продолжен, но мора да има добра причина за тоа, изјави преговарачот на ЕУ, Мишел Барние. "Техничкото продолжување може да трае до изборите за Европскиот парламент во мај, изјави Барние, додавајќи дека во случај на пречекорување на рокот ќе се постави прашањето за учеството на Британците на изборите. По денешната средба на Барние, австрискиот канцелар Себастијан Курц изјави дека прашањето за Брегзит треба да се реши... Читать дальше...

Косовскиот вицепремиер и член на државната делегација за преговори со Србија, Енвер Хоџај изрази загриженост поради, како што вели, „најниското ниво на односи“ меѓу Косово и Соединетите Држави, јави дописникот на МИА од Приштина. Хоџај во објава на Фејсбук, по денешната средба на косовскиот преговарачки тим со претставниците на американскиот Национален совет за безбедност, кои престојуваат во дводневна посета на Косово, порача дека Приштина мора да го исполни барањето на Вашингтон за укинување... Читать дальше...

Германската влада донесе одлука според која лицата кои добиле азил ќе бидат обврзани во првите три години од својот престој во Германија, да живеат на места кои ќе им ги одредат властите, беше соопштено денеска, a пренесе порталот „Индекс.хр“. „Одредувањето на местото на живеење ги ослободува големите градски центри и правилно го распределува населението во помалку населените делови на земјата“, рече Аксел Гедашко, претседател на Здружението за домување. Владата порача дека оваа мерка е насочена... Читать дальше...

Американскиот државен секретар Мајк Помпео денеска изјави дека разговарал со водачите на Индија и Пакистан и ги повикал да ги смират тензиите. Тој ги повика двете земји да избегнат каква било акција што би можела да доведе до ескалација на конфликтот. Тензиите ескалираа пред два дена откако Индија погоди камп на милитантите на територијата на Пакистан, како одмазда за самоубиствениот напад во Кашмир, кога најмалку 40 индиски војници беа убиени.

Офицер од руската Црноморска флота и неговата партнерка се осудени за шпионажа за Украина, соопшти денеска Федералната служба за безбедност(ФСБ). Регионалниот воен суд за Северен Кавказ го осуди мајорот Дмитри Долгополов на 10 години затвор, а неговата партнерка Ана Сухоносова доби 9 години затвор, откако беа осудени дека ѝ продавале класифицирани материјали за операциите на единиците од Црноморската флота на Украинската служба за безбедност. ФСБ соопшти дека Долгополов и неговата партнерка се изјасниле за виновни. Читать дальше...

Илјадници туристи се блокирани на аеродромот во Бангкок, еден ден по затворањето на пакистанскиот воздушен простор поради зголемувањето на тензиите со Индија, но авиокомпанијата Таи ервејз доби дозвола да лета преку Кина и летовите денеска ќе бидат продолжени. Со блокадата се погодени 30 летови, главно од и до Европа, кои треба да превезат околу пет илјади патници. Откако Иран одби да дозволи прелет преку негова територија, компанијата доби дозвола од Пекинг да го користи кинескиот воздушен простор и денеска ќе ги продолжи летовите. Читать дальше...

Антикорупциска отвори над 40 нови предмети за сомневање за непотизам. На листата се роднини на актуелни и поранешни државни функционери. Министри, пратеници, градоначалници, амбасадори, директори на јавни институции, на државни фирми и агенции, како и судии и членови на судски совет, генерални секретари и советници. Сите се под сомневање за постоење судир на интереси во случаи кога биле вработувани нивни роднини. „Мислам дека од истражувањата кои ќе произлезат од веќе започнатите и од овие предмети... Читать дальше...

Движењето Беса и Алијансата за Албанците ја поддржуваат кандидатурата на проф. д-р Блерим Река за Претседател на Република Северна Македонија. "Како опозициски партии, сметаме дека претседателските избори во земјата немаат значење без кандидат Албанец, бидејќи во спротивно Албанците ќе бидат сведени само на гласачи кои гласаат, но не и за субјект за кој треба да гласаат", се наведува во нивното соопштение.

Пресудата за случајот „Титаник 2“ за изборни нерегуларности на локалните избори во 2013 година, ќе биде соопшена на 8 март. Обвинети во предметот се лидерот на ДПА Мендух Тачи, поранешниот директор на УБК Сашо Мијалков, како и поранешните членови на ДИК Бедредин Ибраими, Анета Стефановска, Влатко Сајковски и Сашо Срцев. Одбраната во завршните зборови побара ослободителна пресуда за сите обвинети, посочувајќи дека обвинителството не изнело докази со кои се потврдува делото за кое се теретат. Посочи... Читать дальше...

Со цел да ги пресретнат роковите од следниот извештај на Европската комисија, избегнување на натамошно одолговлекување и натамошни повреди на човековите права на граѓаните, граѓанските организации денеска на прес-конференција, побараа Собранието веднаш да свика седница на матичната Комисија за труд и социјална политика и да ја заврши законодавната постапка за донесување на Закон за спречување и заштита од дискриминација пред стартот на претседателските избори. Организатори и поддржувачи на барањата се 100 здруженија... Читать дальше...

Собраниската Комисија за политички систем и односи меѓу заедниците денеска расправаше и едногласно одлучи да ја отфрли иницијативата за собирање најмалку 150 илјади потписи за распишување дополнителен референдум за името поднесена од Тодор Петров. Со Граѓанската иницијатива поткрепена со потписи од 157 граѓани се бараше распишување референдум на кој граѓаните со „за“ или „против“ треба да одговорат на прашањето „Дали сте за промена на името на државата Македонија во држава Северна Македонија“. Читать дальше...

Дванаесетгодишно девојче со церебрална парализа и мускулна дистрофија почина денеска на Клиниката за детски болести од компликации од грип. Ова денеска го потврди д-р Владимир Микиќ, епидемиолог од Институтот за јавно здравје. Детето пред четири дена било примено на Клиниката. Ова е четврти смртен случај од компликации од грип. Од Институтот за јавно здравје информираа дека измината недела починал 86-годишен човек од Скопје, кој бил хоспитализирани на Клиниката за инфективни болести и фебрилни состојби.

Пакистанскиот премиер Имран Кан најави дека неговата земја утре ќе го ослободи заробениот индиски пилот, како израз на „мирољубив гест“ кон Индија. Кан го рече тоа во обраќањето до пратениците на заедничката седница на двата дома на пакистанскиот парламент, свикана со намера да се разгледа најновата ситуација и растечките тензии со Индија во врска со спорниот регион Кашмир. Кан наведе дека се обидел да стапи во контакт со неговиот индиски колега Нарендра Моди со порака дека сака деескалација на тензиите... Читать дальше...

Украинскиот Уставен суд го поништи законот за борба против нелегално збогатување на функционерите. Украинската агенција за антикорупција оцени дека одлуката на судот е „чекор назад“. Судот денеска одлучи дека одредбата според која осомничените функционери треба да докажат дека нивното богатство е легално заработено ја крши презумпцијата на невиност. Украина го донесе законот во 2015 година за да ги исполни условите на ММФ за да може да ги добие очајно потребните кредити. ММФ во 2015 година ѝ одобри... Читать дальше...

Центарот за јавно здравје Куманово, денеска прогласи епидемија на морбили. Бројот на заболени од мали сипаници вкупно од почетокот на годинава, изнесува петнаесет, а последнава недела заболени се три лица. Новозаболено е првоодделенче и двајца здравствени работници од детското одделение од кумановската болница. Детето престојувало во целодневен престој во кумановска градинка. Од вкупниот број заболени од почетокот на годинава, единаесет лица се од Куманово, а четири се жители на Општина Липково. Читать дальше...

Генералниот секретар на НАТО, Јенс Столтенберг вечерва ќе допатува во дводневна посета на Софија, на покана на бугарскиот премиер Бојко Борисов. Како што јави БГНЕС, според најавите, Борисов и Столтенберг ќе имаат работна вечера на која ќе разговараат за соработката во сферата на безбедноста и одбраната и за стабилноста на регионот на Западен Балкан.

Министерката за правда Рената Дескоска денеска рече дека носењето законот за јавното обвинителство ќе биде еден од пресудните моменти за отворање преговори со ЕУ, но оти засега нема обезбедено двотретинско мнозинство за носење на законот изработен од Министерството за правда за помош на странски експерти. Пред промоцијата на Првиот национален извештај за перформансите и реформите во правосудството, таа рече дека „Станува збор за решение што ќе овозможи квалитетен систем на јавно обвинителство... Читать дальше...

Министерството за внатрешни работи почна со издавање потврди на граѓаните за документите што порано се издадени од Министерството што не го содржат новото име на државата, до целосната промена на сите документи. Со овие потврди се валидизира важноста на документите што се презентираат во странство. Потврдите се со нов печат и новото име Република Северна Македонија, информираат од МВР. Оваа постапка следува по Договорот од Преспа, како и уставните измени за новото име на државата, се наведува во соопштението од МВР.

Консензуалниот кандидат за претседател на владејачкото мнозинство се очекува да се знае утре, а од СДСМ тврдат дека сите од досега споменуваните имиња се уште во игра. Според аналитичарите тоа има и добри и лоши страни.