Новости за 08.05.2019

По пополнувањето на повеќе од половината пратенички места од кои се откажаа пратениците од обединетата опозиција, а на нивни места дојдоа нивни сопартијци кои се наоѓаа подолу на кандидатските листи, албанскиот законодавен дом на денешната седница избра нов протпретседател, како и претседатели и потпретседатели на парламентарни комисии. Од денескa потпретседател на Парлaментот е Мислим Мурзи, кој доаѓа на местото на Еди Палока од Демократската партија(ПД), додека координаторката на новата пратеничка група на истата партија... Читать дальше...

Албанскиот премиер Еди Рама на заедничката прес-конференција со високата претставничка за надворешна и безбедносна политика на ЕУ, Федерика Могерини изјави дека Албанија ја извршила домашната задача и заслужува почеток на преговори за членство во ЕУ. “Убедени сме дека ги направиле сите домашни задачи. Албанија зборува со јазикот на резултатите и заслужува почеток на преговори”, рече Рама. Могерини изјави дека Албанја ја има целосната нејзина поддршка, но оти треба да се убедат земјите-членки да ги признаат резултати на Албанија. Читать дальше...

Владата денеска на 134. седница ја усвои информацијата со која претседателот на Владата Зоран Заев на своја иницијатива, се повлекува од местото претседател на Советот за следење на имплементацијата на Стратегијата за реформа на правосудниот сектор (2017-2022 година). Владата, соопшти владината служба за информирање, утврди дека оваа функција ја презема министерката за правда Рената Дескоска.

Општината ќе стопанисува со паркинзите, наместо приватен концесионер. За одлуката гласаше само советничкото мнозинство предводено од СДСМ. Опозицијата се жали дека власта ја злоупотребува нивната конструктивност, а за одлуката не гласаа ни советниците од независната група „Поинаку“.

Британскиот принц Хари и неговата сопруга Меган соопштија дека нивното бебе ќе се вика Арчи Харисон Моунтбатен- Виндзор. Агенцијата Ројтерс јавува дека двојката попладнево во дворецот Виндзор и го претставиле на Кралицата Елизабета Втора нејзиното осмо правнуче. Меган Меркл се породи на шести мај.

Министерството за надворешни работи попладнево информира дека до Советот за етика во медиумите поднеле жалби за новинарски текст објавен на неколку портали со наслов „Никола Димитров во јуни “си бега“ од земјата на која ѝ го смени името“ во кој се наведува дека министерот ќе заминел од позицијата. “Посочените текстови се служат со неточно и нефер известување, пристрасност во информирањето, незастапена втора страна, навреда и клевета”, наведуваат од Министерството за надворешни работи.

На денешната седница на Владата беше усвоена информацијата за изградба на Универзитетски Клинички центар. Владата го задолжи Министерството за финансии во соработка со Министерството за здравство да изготви барање за изразување на интерес за заем до финансиските институции за финансирање на изградбата на новиот Клинички Центар, соопшти Министерството за здравство. Во исто време, се посочува, Владата го задолжи Министерството за здравство и Министерството за транспорт и врски за да ги дефинираат... Читать дальше...

Русија ќе им дозволи на полските истражувачи да ги испитаат остатоците од полскиот авион кој се урна во 2010 година при што загинаа претседателот на Полска Лех Качински и 95 други луѓе. Во денешното соопштение на руските власти се наведува дека им обезбеден пристап на полските власти на крајот на месецов на барање на Варшава. При падот на авионот пред седум години во близина на рускиот град Смоленск загинаа Качински, неговата сопруга, високи воени претставници и други официјални лица. Тие патуваа... Читать дальше...

Со премиерата на „Аида“, магичното дело на Џузепе Верди, утревечер на 9 мај, во Националната опера и балет свечено ќе бидат отворени 47 Мајски оперски вечери. До 31 мај публиката ќе има можност да проследи уште неколку бисери од оперската уметност со врвни светски солисти.

Британската премиерка Тереза Меј останува на своето ветување дека ќе даде оставка по завршувањето на првата фаза од Брегзитот со што би се отворила можноста нов лидер да преговара во втората фаза од процесот, рече денеска нејзиниот портпарол. Таа се наоѓа под зголемен притисок да ја напушти канцеларијата порано одколку што планираше. Членови на нејзината Конзервативна партија тврдат дека не успеала да ја исполни желбата на британските гласачи кои се изјасниле за излегување од Европската унија.

Од ВМРО-ДПМНЕ денеска соопштија дека понеле приговор за гласањето за градоначалник на општина Ново Село. Според претседателката на ОИК Ново Село, Венера Шопова, приговорот е поднесен за едно избирачко место во селото Сушица на кое се запишани 795 гласачи. Таа посочува дека приговорот се однесува за наводно несогласување на бројот на запишаните гласачи кои гласале со бројот на гласачките ливчиња. „Откако избирачкиот материјал заедно со членовите на избирачкиот одбор дојде во ОИК и повторно беше извршено броење излезе дека се е во ред. Читать дальше...

Франција, Германија и Британија го повикаа Иран да го почитува нуклеарниот договор од 2015 година. Француските власти предупредија дека ќе бидат преземени мерки кои може да доведат до санкции доколку Иран не се држи до договореното. Кабинетот на германската канцеларка Ангела Меркел соопшти дека земјите ја одиграле својата улога и сега очекуваат целосна имплементација и од Иран. Британските власти соопштија дека Иран ќе се соочи со последици ако се повлече од договорот. Рускиот министер за надворешни... Читать дальше...

Турската опозициска Републиканската народна партија побара од највисокото изборно тело во земјата да ги поништи минатогодишните претседателски и парламентарни избори, како и гласањето за градоначалник на Истанбул и за други локални функции. Пред два дена изборната комисија нареди повторување на изборите за градоначалник на Истанбул по победата на опозицискиот кандидат. Владејачката Партија на правдата и развојот тврдеше дека имало "неправилности и корупција" на изборите. Опозицијата смета дека... Читать дальше...

Премиерот Зоран Заев и министерот за финансии Драган Тевдовски во рамки на годишните средби на Европската банка за обнова и развој во Сараево порачале дека е ЕБОР е стратешки економски партнер за реформите и за создавање одржлива пазарна економија на патот на земјата кон Европската унија. Заев и Тевдовски, како што соопшти владината прес-служба, ги оценуваат средбите како одлична можност за поврзување и претставување на инвестициските можности во земјава, како и за дискутирање за тековни и идни... Читать дальше...

Ако Македонија годинава ги почне преговорите за членство во ЕУ, оптимистички би можела да стане членка на Унијата до 2025 година, но поверојатно е до 2030 година, велат експертите.

Вицепремиерот задолжен за европски прашања, Бујар Османи изјави дека земјата покажала исклучителна зрелост и подготвеност за отпочнување на пристапните преговори со ЕУ и тоа, според него, не само со исклучителните успеси во решавањето на поголемите отворени прашања со соседите, туку и со интензитетот и квалитетот на спроведените реформи. Османи по средбата со делегација на Постојаната комисија за европски прашања на Парламентот на Холандија порача и дека постои сериозен напредок во имплементацијата... Читать дальше...

Преставник на ВМРО ДПМНЕ во преговорите за законот за Јавно Обвинителство

Шефицата на СЈО, Катица Јанева изјави дека верува во процесот на преговорите за Законот за јавно обвинителство или прифаќањето на амандманите од страна на опозицијата, затоа што се работи за врвни професионалци од двете страни, со исклучок на некои личности поврзани со нивните предмети кои веќе не се во преговорите. Таа по последните преговори за новиот закон порача дека во суштина надминати се разликите за тоа што ќе работи СЈО. Во однос на предметите на кои ќе работи СЈО, Јанева најави дека треба... Читать дальше...

Власта најави дека нема да дозволи со новиот закон да се амнестираат осомничените во предметите на СЈО. Од опозицијата пак, велат дека нема да остапат од своите црвени линии. Во меѓувреме, постапките на СЈО чекаат закон за да продолжат.

Асиа Биби, христијанка која беше осудена за богохулење во Пакистан ја напуштила земјата и сега се наоѓа во Канада каде се и нејзините две ќерки, соопштија властите. Пресудата за Биби беше поништена од Врховниот суд минатата година што предизвика насилни протести во Пакистан. Исламски екстремисти се заканија дека ќе ја убијат 48 годишната Биби и повикаа на соборување на владата по нејзиното ослободување. Градоначалникот на Пунџаб, Саламан Тасир и минстерот за малцинства Шахбаз Хати кои бараа правда за Биби беа убиени.

Израелскиот премиер Бенјамин Нетанјаху изјави дека неговата земја нема да му дозволи на Иран да поседува нуклеарно оружје. Иранскиот претседател Хасан Рохани денеска упати закана дека земјата ќе продолжи со збогатување ураниум поради санкциите на САД. „Изутрината слушнав дека Иран планира да продолжи со својата нуклеарна програма. Ние нема да дозволиме Иран да произведе нуклеарно оружје. Ќе се бориме со тие коишто сакаат да не убијат“, истакна Нетанјаху.

Шефицата на Јавното обвинителство за гонење на организиран криминал и корупција, Вилма Рускоска денеска изјави дека Интерпол одбил да ја објави меѓународната потерница за поранешниот премиер Никола Груевски, кој доби азил во Унгарија. Потерницата се однесува за предметот за насилствата во Собранието на 27 април, а Груевски е осомничен како организатор на настаните. Рускоска по конференцијата за борба против корупцијата посочи дека не добиле образложение од Интерпол зошто не ја објавуваат потерницата... Читать дальше...

Министерката за правда Рената Дескоска денеска изјави дека нема никакви поместувања во однос на разликите меѓу власта и опозицијата околу законот за јавно обвинителство. Таа по завршувањето на новата рунда разговори порача дека за Министерството за правда не е прифатливо внесување на одредба во законот што ќе значи скриена амнестија. Според неа, главните разлики се идниот статус и функционирање на СЈО, судбината на постапките кои веќе се почнати и употребата на доказите. Постигнување на договор... Читать дальше...

Српската министерка за градежништво, транспорт и инфраструктура, Зорана Михајловиќ изјави денеска дека Грделичката клисура е целосно совладана, јужниот крак на Коридорот 10 кон Северна Македонија и Грција е целосно завршен и во зависност од временските услови во следните десет дена ќе биде официјално отворен за сообраќај. Таа најави и свечена церемонија со која ќе се одбележи отворањето на автопатот. Србија преку Коридорот 10 ќе биде целосно поврзана со 600 километри долг автопат од границата на Северна Македонија до границата со Унгарија.

Иранскиот претседател Хасан Рохани порача дека земјата ќе продолжи со збогатувањето ураниум доколку светските сили не ги заштитат нејзините интереси наспроти американските санкции. Во обраќање до нацијата тој им даде рок од 60 дена на потписниците на нуклеарниот договор Британија, Франција, Германија, Кина и Русија да преземат мерки за да го заштитат нафтениот и банкарски систем на Иран. САД пред една година се повлекоа од договорот.