Новости за 20.12.2019

Неколку илјади граѓани излегоа на протест во Минкс против натамошната интеграција меѓу Белорусија и Русија.Тие со протестен марш во центарот на белоруската престолнина извикуваа „Независност“ и да „Живее Белорусија“. Протестите доаѓаат откако рускиот претседател Владимир Путин и неговиот белоруски колега Александар Лукашенкопо втор пат се сретнаа денеска за билатералните односи.

Албанскиот претседател Илир Мета го смета за „шизофрен конфликт“ континуираниот судир меѓу владејачкото мнозинство и опозицијата што според него влијаело во масовното заминување на албанските граѓани од земјата. Тој во интервју за Топ Чанел изјавил дека неговата најголема грижа е депопулацијата.  Според Мета, најновите бројки покажуваат дека бројот на албанските граѓани, кои ја напуштиле земјата, бележи раст од 16 отсто споредено со лани, со тенденција на зголемување. Во врска со пакетот закони за спречување клевета... Читать дальше...

Руската полиција соопшти дека е идентификуван човекот кој што отвори оган кон московското седиште на Федералната служба за безбедност. Станува збор за Јергени Минујров, 39 годишен поранешен чувар во таа институција. Еден полицаец и напаѓачот беа убиени, а петмина беа ранети по вчерашната престрелката пред седиштето на Федералната служба за безбедност на Русија (ФСБ) во центарот на Москва. Повредени се четворица припадници на руската служба и еден цивил, соопштија властите.

Годишното обраќање на претседателот Стево Пендаровски пред Собранието, состојбите во судството и средбата на лидерите на Македонија, Албанија и Србија за иницијативата „мини Шенген“ се главни теми во дневниот печат.

СДСМ најави дека в среда ќе одржи јавна дебата за изборниот законик надвор од собраниската седница, откако претседателот на Собранието Талат Џафери вчера во изјава за медиумите посочи дека деловнички нема време за таква дебата. Претседателот на Комисијата за политички систем и односи меѓу заедниците Александар Кирацовски изјави дека за локацијата каде ќе се одржи дебата дополнително ќе ја известат јавноста, ако треба и во собранискиот хол ќе ја одржат. Дебатата ќе биде во насока на тоа дали треба да има шест или една изборна единица... Читать дальше...

Стотици средношколци со транспаренти во рака на кои пишува „Сакаме да дишеме “ протестираа пред Собранието по што маршот го продолжија пред министерството за животна средина каде се соединија со соученици од многу училишта. Потоа со извици „ Дајте воздух“ и „Други се богатат, ние се труеме“ повторно маршираат низ центарот на градот кон Владата. Големата група ја предводат млади со тапани и огромен транспарент „Средношколците сакаат да дишат”. Претходно во неколку училишта тие бојкотираа настава... Читать дальше...

Новоизбраниот парламент на Велика Британија го одобри предлог договорот за Брегзит на Борис Џонсон со големо мнозинство , по што земјата ќе може да ја напушти Унијата на 31 јануари. Со победата на конзервативците во британскиот парламент предлогот помина со 358 гласа „за“ наспроти 234 кои беа „против“. „Денеска ќе го испорачаме ветувањето што го дадовме пред народот, дека ќе го спакуваме гласањето за Брегзит пред Божиќ“ рече Џонсон по гласањето во Парламентот. Последниот чекор од ратификацијата... Читать дальше...

Околу двесте средношколцисо транспаренти во рака на кои пишува „Сакаме да дишеме “ протестираа пред Собранието по што маршот го продолжија пред министерството за животна средина. Претходно во неколку училишта тие бојкотираа настава и со заштитни маски излегоа во училишните дворови со порака „Нема воздух, нема мир!“. Меѓу оние кои денеска ја бојкотираа наставата беа и учениците од средното училиште „Никола Карев“ кои објавија видео во кое се гледа дека директорката им се закани дека ќе сносат последици за своите постапки. Читать дальше...

Со повеќе од 40-на кратки приказни од светот, неколку значајни програмски новини и под мотото „Погледни под површината“, од 27 до 29 декември, во Центарот за култура „Браќа Миладиновци“ во Струга, ќе се одржи третото издание на Интернационалниот фестивал за краток филм „Drim Short“.

Тече рокот за самоиницијативното уривање на дивоградбите што беше даден како можност, следен чекор е нивно остранување и тука нема попуштање, изјави денеска премиерот Зоран Заев при неговата работна посета на Охрид. Тој истакна дека со санацијата на Колекторскиот систем, која сега стартува ќе се трајно ќе се реши системски проблем, и дека дополнително ќе се продолжи со чистење на канализациска мрежа во должина од 300 километри. „Сето што го правиме ќе биде попусто доколку не ги отстраниме дивоградбите... Читать дальше...

Првоосомничениот во случајот „Меѓународен сојуз“ Бојан Јовановски – Боки 13 денеска од затворото Шутка, каде издржува притвор за случајот „Рекет“ е спроведен во Обвинителството за организиран криминал и корупција. Тој е меѓу петтемина осомничени за овој случај. На распит утринава во Обвинителството бил и таткото на Боки13, Миле Јовановски, како и асистентка од Меѓународниот сојуз, Христина Блажевска. Претходно, во врска со случајот во Обвинителството исказ даде и пратеничката Фросина Ташевска-Ременски. Читать дальше...

Средношколци денеска бојкотираа наставата во повеќе училишта во Скопје, но и во други градови во знак на протест поради загадувањето на воздухот, во пресрет на денешниот протест против загадувањето. Средношколците со заштитни маски и транспаренти излегоа во училишните дворови со порака. „Нема воздух, нема мир!“. Меѓу оние кои денеска ја бојкотираа наставата беа и учениците од средното училиште „Никола Карев“, а директорката таму им се закани дека ќе сносат последици за своите постапки. Снимката... Читать дальше...

Турскиот претседател Реџеп Таип Ердоган денеска изјави дека Анкара ќе одговори на евентуални американски санкции поради набавката на руски одбранбен систем, како и поради гасоводот Турски тек, кој ќе носи руски гас во Турција. Тој вели дека американските санкции се кршење на турските права. Турскиот претседател истакна дека договорот за купување руски систем С-400 е веќе завршен. Тој вели дека и тие ќе воведат санкции кон САД. Американскиот Конгрес треба да усвои закон за одбрана, кој предвидува... Читать дальше...

Силен земјотрес го погоди северниот дел од Авганистан, принудувајќи ги жителите да излезат на улица. Земјотресот е почувствуван и во соседен Пакистан. Засега нема извештаи за жртви или штети. Американскиот центар за геолошкото истражување соопшти дека земјотрес на 20 декември бил со јачина од 6,1 степени според Рихтеровата скала. Епицентарот бил на 51 километар југо-западно од Јурм, регион што е ретко населен и се наоѓа во планинско подрачје во провинцијата Бадакшан. Од Индиската сеизмолошка канцеларија... Читать дальше...

Лидерот на Движењето Самоопределување (ВВ) Албин Курти, кој се очекува да биде нов премиер на Косово откако неговата партија победи на октомвриските парламентарни избори, смета дека договорот за заедничка влада со Демократскиот сојуз на Косово (ЛДК), како второрангирана партија на изборите, е „можен и потребен“. Курти денеска рече дека сигурно ќе ги продолжи средбите со лидерот на ЛДК Иса Мустафа, затоа што граѓаните очекуваат тие две партии да се договорат за идната влада. Двете партии, кои... Читать дальше...

Предвремени избори се единствен излез од сегашната ситуација во која се наоѓа Ирак, по немирите кои ја зафатија земјата, рече денеска врховниот шиитски свештеник, ајатолах Али ал Систани. Тој рече дека наскоро треба да се формира нова влада. Повеќе од 450 луѓе, претежно демонстранти, но и припадници на безбедносните сили, се убиени откако започна бранот протести на 1 октомври. Демонстрантите, повеќето од нив млади луѓе, бараат промена на политичкиот систем што го сметаат за длабоко корумпиран, заради што многу Ирачани живеат во сиромаштија. Читать дальше...

Судски совет во допис до претседателите на судовите бара од нив во рок од една недела да му достават податоци за бројот на стари нерешени предмети и застарени случаи. Во соопштението потпишано од претседателот на Судскиот совет Киро Здравев, се наведува дека во интерес на враќање на довербата на граѓаните во судската власт, од судовите се бара и какви мерки се преземени за решавање на старите предмети. Судовите податоците треба да ги достават до 27 декември годинава.

Денеска и утре во Тирана ќе се одржи состанок на лидери од Западен Балкан, во рамките на иницијативата „Мал Шенген”, чиј домаќин е премиерот Еди Рама. За разлика од минатите состаноци на овој ќе учествуваат и претставници на американскиот Стејт Департмент, Европската комисија, ЕБРД и Светска банка.

Еден полицаец и напаѓачот се убиени, а пет луѓе се повредени во синоќешната престрелката пред седиштето на Федералната служба за безбедност на Русија (ФСБ) во центарот на Москва. Повредени се четворица припадници на руската служба и еден цивил, соопштија властите. Напаѓачот кој пукал кон полицајците е убиен. Тој претходно уби еден полицаец и повреди пет луѓе, велат властите. Тие не го идентификуваат напаѓачот, но локалните медиуми велат дека станува збор за жител на московскиот регион, чие хоби биле пушки и стрелање. Читать дальше...

Во Хрватска денеска е последен ден од кампањата на кандидатите за претседателски избори. На полноќ почнува изборниот молк. Првиот круг од претседателските избори во Хрватска ќе се одржи в недела, 22 декември, а 3,85 милиони избирачи ќе одлучуваат кој ќе влезе во вториот круг. Речиси сите анкети како водечки тројца кандидати ги издвојуваат актуелната претседателка Колинда Грабар Китаровиќ, поддржана од владејачката ХДЗ, Зоран Милановиќ, кандидат на СДП и независниот кандидат Мирослав Шкоро. Хрватската радиотелевизија (ХРТ)... Читать дальше...

ВМРО- ДПМНЕ не е задоволна од начинот на кој се води процесот за случајот „Рекет“, вели партискиот лидер Христијан Мицкоски. Тој додава дека од тактички причини чекаат да ги објават документите поврзани со случајот, кои најавија дека ги имаат пред три месеци.

Името на техничкиот премиер ќе биде познато кон крајот на следната недела, откако следниот петок ќе заседава Централниот одбор на СДСМ, а претходно ќе се состане и Извршниот одбор, изјави денеска премиерот и претседател на СДСМ, Зоран Заев. Тој одговараше на новинарско прашање по неформалната средба со пензионерите. „Од тактички причини одлуката ја одложивме за крајот на следната недела. Ќе не разберете затоа што овде се прави договор меѓу власта и опозицијата. Ние не би сакале да истрчуваме со какви било мерки. Читать дальше...

Иранскиот претседател Хасан Рохани е во посета на Јапонија. Токио се обидува да посредува меѓу Иран и Соединетите Американски Држави во услови на зголемени тензии меѓу двете земји. Рохани е првиот ирански лидер кој ја посетил Јапонија во последните речиси две децении. Претходно годинава јапонскиот премиер Шинзо Абе го посети Иран, што беше прва посета на јапонски лидер во последните 40 години. Јапонија вложува дипломатски напори да ги олесни тензиите меѓу Иран и САД и да ја стабилизира ситуацијата на Блискиот исток... Читать дальше...

Зошто да плаќаме данок кога не се управува соодветно со јавните финансии, е аргументот на оние кои избегнуваат да плаќаат данок. Од бизнис заедницата посочуваат дека е потребно да има доверба во институциите, детектирање на прекршувачите и ефикасност на правосудниот систем.

Новоизбраниот британски парламент денеска ќе ја започне дебатата која треба да заврши со одобрување на договорот за излез на Британија од Европската унија. Конечното гласање се очекува на почетокот на следниот месец кога пратениците ќе се вратат на работа по паузата за божиќните празници. Исходот од гласањето ќе му помогне на премиерот Борис Џонсон да го исполни своето ветување со кое победи на изборите, земјата да излезе од Унијата на 31 јануари. Потоа на Лондон и на Брисел ќе им остане да се договорот за трговските врски... Читать дальше...