Новости за 25.02.2020

Тврдењата за руско влијание врз изборите во САД, се темелат на извештаи од разузнавачките служби според кои Русија, но и други земји, се обидуваат да го поткопаат интегритетот на претстојните претседателски избори. Русија негира - никогаш не сме се мешале ниту ќе се мешаме.

Американскиот претседател Доналд Трамп ќе побара 2,5 милијарди долари за борба против епидемијата на коронавирусот откако бројот на потврдени случаи се зголеми што предизвика потреси на финансиските пазари од Соединетите Американски Држави до Италија и Германија. Белата куќа соопшти дека повеќе од милијарда долари ќе бидат потрошени за развивање на вакцина за заштита од коронавирусот кој почна во Кина, а од кој низ светот се заразени околу 80 000 луѓе. Расте бројот на заболени од коронавирусот во Иран... Читать дальше...

Со неодамна усвоените измени на Законот за управување со отпад во Собранието, беше отстранет членот кој дозволуваше увоз на отпад во земјава од странство за потоа да биде користен како извор на енергија во индустријата. Со тоа, увозот на отпад како енергенс сега е забранет и тоа важи за сите земји, а не само за Бугарија.

Затворање на границата со Турција во обид да се спречи ширење на новиот корона вирус преку бегалците и мигрантите кои пристигнуваат во Грција, побара префектот на островите од северниот дел на Егејско Море, Костас Муѕурис од грчката Влада, јави МИА од Атина. Побаравме од Владата да ја запечати нашата граница на исток, за да се избегне пренесување на корона вирусот, кој опасно ни се приближува. Одговорните мора итно да одговорат, напиша Муѕурис на неговиот официјален Фејсбук профил.

Турската полиција го уапси капетанот на авионот на компанијата „Пегазус ерлајнс“, кој на почетокот од месецов излета од писта на аеродромот Сабиха Гокчен во Истанбул, при што загинаа три лица. Авионот кој леташе од Измир за Истанбул излета од писта и удри во насип, а леталото се распадна на три дела. По несреќата испитани се двајцата пилоти, а еден од нив, капетанот Махмут Арслан е уапсен.

Лицето кое синоќа беше примено на Инфективната клиника во Скопје, е тестирано и нема корона вирус, потврдија од Министерството за здравство. Пациентот имал лесна клиничка слика, нема покачена телесна температура и неговата состојба е стабилна. Тој пристигнал од Милано во Скопје со попладневниот лет на „Визер“. Патникот поминал низ термалната камера, која кај него не дијагностицирала симптоматологија на болест. Првите симптоми ги почувствувал по доаѓањето дома, по што се јавил на Инфективната клиника во Скопје и бил примен во 22:00 часот. Читать дальше...

Времето денеска ќе биде сончево и релативно топло со мала до умерена облачност. Ќе дува слаб до умерен ветер од јужен правец. Утринската температура се движи од минус еден до четири, а дневната температура ќе биде од 12 до 19 степени. Во Скопје ќе биде сончево и релативно топло со мала до умерена облачност. Ќе дува слаб до умерен ветер од јужен правец. Утринската температура достигна до минус два, а дневната температура ќе биде до 14 степени. Под влијание на влажен бран утре кон крајот на денот... Читать дальше...