СДСМ: Чулев ја загрозува безбедноста на граѓаните
„Кадрите на ВМРО-ДПМНЕ во преодната влада за само една недела покажаа огромно непознавање, нестручно и незаконско работење на штета на граѓните и државата. Техничкиот министер за внатрешни работи Наќе Чулев го нарушува функционирањето на полицијата и ја загрозува безбедноста на граѓаните“, рече пратеничката од СДСМ Снежана Калеска -Ванчева на денешната прес-конференција.
Според неа, Чулев издал телеграма со која ги укинува наредбите за извршување задачи на полицајците во други организациони единици (член 154 од Законот за внатрешни работи).
„Со тоа Чулев создава недостаток на полицајци за обезбедување и директно ја загрозува безбедноста на лицата и објектите кои МВР има законска обврска да ги обезбедува, како и амбасадите на неколку држави, резиденцијата на амбасадорот на ЕУ и други“, рече пратеничката Калеска -Ванчева.