Од ковид-19 починале 12 пациенти, 132 новозаразени
Во изминатото деноноќие починати се 12 лица како последица од ковид-19, соопшти Министерството за здравство. Тоа е највисока бројка досега. Станува збор за пет пациенти од Скопје, еден од Штип, двајца пациенти од Тетово, двајца од Струга, еден од Велес и еден пациент од Гостивар. Со оваа бројка досега се починати 298 луѓе од коронавирус.
Министерството соопшти дека нови 132 случаи на заразени со коронавирус се регистрирани во последните 24 часа. А направени се 868 тестирања. И натаму најмногу новозаразени има во Скопје 57. Потоа следуваат тетово 19,Штип со 13, Куманово 10, Прилеп-7, Гостивар -6, Охрид -5, Велес -4, Струга 3, Пробиштип и Свети Николе по два нови случаи и по еден во Битола, Кавадарци и Ресен.
Кои се критериумите на ЕУ за влез на патници од други земји?
Денеска Институтот за јавно здравје регистрира оздравени 112 пациенти.
Досега во земјата се направени вкупно 59.633 тестирања на ковид -19. Денеска нема тестирања во рамките на скринингот.