Во Косово 104 новозаразени со корона, две лица починаа
![Во Косово 104 новозаразени со корона, две лица починаа](https://gdb.rferl.org/afaf475f-c474-42f1-b0a0-cf132c3eadca_w800_h450.jpg)
Во последните 24 часа во Косово од 889 тестови регистрирани се 104 позитивни на ковид19, а две лица починаа, соопшти Институтот за национално здравје. Од почетокот на пандемијата досега во Косово се регистрирани 16 606 позитивни на коронавирусот, а починаа 652 лица. Бројот на активни случаи е 1393. Владата на Косово најави дека ако се зголемува бројот на новозаразени ќе дојде до заострување на мерките за да се спречи ширењето на вирусот.