Дебар усвои листа со нови имиња на улиците
Претседателот на советот Башким Машкули истакна дека досега претходните совети на општината најмалку 6 пати почнувајќи од 1990 година доставувале листи за нови имиња, но од владите досега не добиле зелено светло.
Ова е седми пат по ред како советот на општината Дебар, бара промена на имињата рече Машкули.
За новите имиња гласаа сите 15 советници од ДУИ, СДСМ, ВМРО-ДПМНЕ, Алијанса за Албанците, и Алтернатива.
Списокот на имиња беше изгласан целосно и со локален Бадинтер за кои гласаа советници од СДСМ,ВМРО-ДПМНЕ, и ДУИ.
Претходно имаше расправа на комисиите на советот на општина Дебар на која претседателот на советот Башким Машкули кажа дека на место на имињата од комунистичка Југославија како што беа ЈНА, Едвард Кардељ, Велко Влаховиќ, Моша Пијаде и други, сега се назначени имиња на личности од историјата на Дебар и пошироко.