Атанасовски - Како директор на УБК го брифирав Нухиу дека може да дојде до насилен упад во Собрание
„За секое непрофесионално постапување на вработените во УБК сум преземал мерки. За секое мое постапување постои доказ во институцијата“, изјави обвинетиот Атанасовски.
Тој пред Судот рече дека лично не ги познава лидерите на патриотските здруженија.
Атанасовски вели дека оперативна операција „Платформа“ ја планирал Агим Нухиу, кој тогаш беше министер за внатрешни работи.
„Жалам за настанот. Недопустливо е на ваков начин да се влезе во Законодавниот дом. Како директор сум го брифирал Агим Нухиу дека може да дојде до насилен упад во Собранието“, наведе Атанасовски.
Тој вели дека УБК максимално се ангажираше за расчистување на настаните од 27 април и дека сè што им побарале од ОЈО им било дадено.
Јанакиески бара полиграф за него и Нинџа
Следното рочиште за овој случај е закажано за 1 јуни.
Денеска за случајот сведочеа и обвинетите поранешни министри Спиро Ристовски и Миле Јанакиески. Освен нив, обвинет е и поранешниот претседател на Собранието Трајко Вељановски. Тие се обвинети за кривичното дело терористичко загрозување на уставниот поредок и безбедноста.