Заев - Самитот на НАТО се одржува во клучен момент за Алијансата
„Во ерата на новите поместувања на глобалната безбедносна сцена ги засилуваме нашите позиции наспроти предизвиците, за заедно да донесеме одлуки на стратешко ниво за понатамошно прилагодување на НАТО“, напиша Заев на Фејсбук.
Заев на самит на НАТО- заедно ќе носиме стратегиски одлуки за прилагодувањето на Алијансата
Тој додаде дека лидерите на НАТО се согласни дека ниту една земја не може „сама да се справи со овие предизвици.
„Трансатлантското единство и солидарност се од витално значење за да се одржат нашите нации безбедни. Сега имаме историска можност да ја зајакнеме врската меѓу Европа и Северна Америка и да го подготвиме НАТО за иднината и затоа иницијативата НАТО 2030 за продолжување на адаптацијата на нашата Алијанса е во срцето на Самитот“, вели Заев.