И покрај забраната, кубанската опозиција не се откажува од протести
„На 15 ноември, нашата лична одлука ќе биде да протестираме граѓански и мирно за нашите права“, објави групата Архипелаг на Фејсбук, повикувајќи на протести.
Како што се додава, одговорот на властите е полн со лажни тврдења и клевети и „претставува кривично дело“.
ЕУ ја повика Куба да ги ослободи приведените демонстранти
Кубанската влада вчера објави дека одбила да издаде одобрение за собирот. Владата изјави дека некои од луѓето што најавуваат собири имаат врски со субверзивни организации или агенции финансирани од американската влада и дека нивната намера е да поттикнат промена на политичкиот систем во Куба.
Како што објасни кубанската влада, ова е провокација, додавајќи дека причините наведени за демонстрациите не се сметаат за легитимни.
Куба почна да вакцинира деца од 2 години против ковид
Истиот одговор беше даден и за Хавана и шест провинции од вкупно 15 провинции во земјата, каде што беше побарана дозвола за демонстрации „против насилство“, „за ослободување на политички затвореници“ и „за промени“, пренесува АФП.
Организаторите на демонстрациите се повикуваат на членот 56 од новиот Устав на Куба, со кој се признава правото на собирање, демонстрации и здружување со мирна цел. Стејт департментот одговори со повик до владата во Хавана да ги почитува слободите и основните права на кубанскиот народ.