Приведени четири лица за давање поткуп за гласови во Скопско
Полициски службеници синоќа привеле четири лица, кои околу 19 часот кои биле забележани како дават пари во замена за глас на претстојните локални избори на местото викано Аџево на подрачјето на Полициската станица „Драчево“.
Како што соопшти МВР, осомничените Е.Б. (26), С.М. (27) Н.Б. (50) и Ј.М. (35) се приведени под обвинение за вршење на кривичното дело „поткуп при избори и гласање“ од член 162 од Казнениот законик.
Приведен осомничен за поткуп на гласови
Кандидатите за градоначалници предигра за главните ѕвезди - лидерите!
При приведувањето кај четворицата осомничени се пронајдени 121000 денари и 250 евра.
„За случајот е известен јавен обвинител и по добиени судски наредби извршени се и претреси во домовите на лицата, а тие се задржани во полициска станица за понатамошна постапка“, се додава во соопштението на МВР.
В недела ќе се одржи првиот круг од локалните избори во земјава, вториот круг е за две недели.