Евакуација на жители од неколку населби во Сараево поради поплавата

Евакуација на жителите во неколку населби во Сараево и Мостар, прекин на електричната енергија во главниот град Сараево и вонредна состоојба во Пале и во Трново, се дел од последиците од поплавите кои беа предизикани од обилните дождови кои Босна и Херцеговина ги зафати во изминативе 24 часа.


Противпожарните бригади во Сараево се на терен во спасувачка мисија поплавувањето на неколку згради и куќи. Домови и деловни објекти беа поплавени во и околу Сараево, а локалните патишта беа блокирани во југозападниот дел на земјата, а наставата во училиштата е прекината.


„Водата стигна до домовите и голем број станбени згради беа поплавени“, изјави за РСЕ Сифет Ченгиќ од Управата за цивилна заштита од Сараево.


Портпаролката на Федералната управа за цивилна заштита Мајда Ковач изјави дека целосно е поплавена и фабриката Месер каде што се полнат резервоари со кислород за пациентите со Ковид-19. Таа се наоѓа во Рајловац, во близина на Сараево.




Поголем дел од Сараево е без струја поради повеќекратните прекини на мрежата. Обилните дождови предизвикаа излевање на реките и поплави во повеќе места низ БиХ. Во населеното место Војковиќи во близина на Сараево, загрозени и поплавени се околу 150 куќи, откако дошло до свлечиште по течението на реката. Поплавени се патишта и домаќинства во општина Источна Илиџа.