Судот на ЕУ ја потврди казната за Гугл
Судот на ЕУ ја отфрли жалбата на американскиот интернет гигант, тврдејќи дека тој навистина „ја злоупотребил својата доминантна позиција на пазарот на пребарувачи давајќи незаконска предност на друг производ на Google, односно услуга за споредба на цените на производите“.
„Со денешната пресуда, Општиот суд во голема мера ја отфрла тужбата поднесена од двете компании и ја потврдува казната изречена од Комисијата“, се вели во соопштението на Судот на ЕУ.
Google и посебната матична компанија, Alphabet, чиј дел е Google, поднесоа тужба против паричната казна, изречена од Комисијата на 27 јуни 2017 година, пред Генералниот суд на ЕУ.
Сведочење: За Фејсбук профитот е пред луѓето
Според одлуката на Комисијата, Гугл ја злоупотребил својата доминантна позиција на пазарот на машини за пребарување давајќи и незаконска предност на својата услуга за споредба на цените. Истакнато место во резултатите од пребарувањето давал само на својата услуга за споредба на цените, и го намалил рангирањето на конкурентските услуги, задушувајќи ја на тој начин конкуренцијата заснована на квалитет на пазарите за споредба на цените.
Google ја воведе оваа практика во сите 13 земји од Европската економска област (ЕЕА) каде што ја претстави својата услуга за споредба на цените, почнувајќи со Германија и Обединетото Кралство во јануари 2008 година. Потоа ја прошири оваа практика во Франција во октомври 2010 година, Италија, Холандија и Шпанија во мај 2011 година, Чешка во февруари 2013 година и Австрија, Белгија, Данска, Норвешка, Полска и Шведска во ноември 2013 година.
Казната изречена од Комисијата на Google во 2017 година беше рекордна во тоа време, а тој рекорд беше надминат во септември 2018 година, кога Комисијата за друг случај му изрече казна на Google од 4,3 милијарди евра.