Преговори со Иран за нуклеарната програма во „последна фаза“
Последната рунда разговори за обновување на иранскиот нуклеарен договор се приближи до последната фаза, велат дипломатите, по неколкунеделна интензивна дипломатија во Виена. Дипломати од Германија, Франција и Британија, заедно со Русија и Кина, се состануваат во австриската престолнина од минатата пролет, обидувајќи се да ги доближат Иран и Соединетите држави до договор за обновување на договорот од 2015 година.
Дипломатот Енрике Мора од ЕУ, кој ги координира разговорите, денеска изјави дека учесниците ќе се вратат во нивните престолнини на консултации пред да се продолжат со преговорите следната недела.
„Сега се потребни политички одлуки“, напиша тој на Твитер.
Во заедничкото соопштение на Германија, Франција и Британија е наведено дека сите страни знаат дека разговорите ја достигнуваат „последната фаза, која бара политички одлуки“.
„Јануари беше најинтензивниот период од овие разговори досега“, се вели во соопштението.
Висок претставник на САД го напушти тимот во преговорите за иранскиот нуклеарен договор
Рускиот претставник Михаил Улјанов, неодамна изјави дека неговиот инстинкт му кажува дека договорот ќе биде постигнат наскоро по средината на февруари.
Паузата доаѓа откако Иран оваа недела предложи дека може директно да преговара со Соединетите држави доколку може да се постигне „добар договор“. До денес, ЕУ посредуваше во индиректните разговори меѓу Техеран и Вашингтон.
„Иран сè уште не се согласил на директни разговори остануваме подготвени да се сретнеме директно“, изјави вчера портпаролот на Стејт департментот Нед Прајс.
Американскиот претседател Џо Бајден сигнализираше дека сака повторно да се приклучи на договорот, од кој САД се повлече во 2018 година кога неговиот претходник Доналд Трамп воведе санкциите.
Светските сили се обврзаа да спречат ширење на нуклеарното оружје
Враќањето на економските санкции доведоа до тоа Иран да почне да се повлекува од своите обврски и да рестартира некои активности за збогатување ураниум, туркајќи го договорот, формално познат како Заеднички сеопфатен план за акција, до работ на целосен колапс.
Клучните прашања во преговорите остануваат брзината и опсегот на укинување на санкциите кон Техеран, вклучително и барањето на Иран за гаранција на САД дека нема повторно да го прекрши договорот.
Разговорите, исто така, полека се движат околу техничките детали за тоа како и кога да се обноват ограничувањата на атомската работа на Иран, која значително напредна откако Соединетите држави се повлекоа од договорот.