Иран го преместува производството на делови за центрифуги
Потегот доаѓа еден месец по судирот меѓу МААЕ и Техеран околу повторното инсталирање камери на работилницата за делови за центрифуги, која, како што велат иранските власти, беше цел на саботажа.
Макрон - Преговорите со Иран мора да се забрзаат
Во соопштението се додава дека инспекторите на МААЕ поставиле камери за надзор во Исфахан на 24 јануари, но дека тогаш не почнало производството на деловите.
Иран го обвини Израел дека стои за нападот врз објектот во Караџ, кој се случи во јуни лани. До неодамна пристапот до локацијата беше блокиран оти Иран спроведуваше истрага.
Ваквиот развој на случувањата доаѓа додека Иран и светските сили преговараат да се рестартира закочениот договор за нуклеарната програма постигнат во 2015 година. Според договорот Техеран се согласи да ја ограничи својата контроверзна нуклеарна програма во замена за ослободување од економските санкции кои големите сили ги воведоа кон Иран. Поранешниот американски претседател Доналд Трамп ги повлече Соединетите Американски Држави од договорот во 2018 година, по што Иран продолжи да крши делови од договореното, вклучително и производството на центрифуги.
Според договорот, Иран се согласи да запре или да го ограничи производството на центрифуги.
Администрацијата на сегашниот претседател на САД, Џо Бајден, изрази интерес за повторно приклучување на договорот доколку Иран се врати на целосно почитување на договореното.
Центрифугите произведени во постројката во Караџ се преминуваат за производство на збогатен ураниум што може да се користи меѓу другото и за производство на нуклеарно оружје.