Радев - Гарантирање на правата на Бугарите пред почетокот на преговорите
Радев, како што јави дописникот на МИА од Софија, ова го кажал на средбата со претставници на здруженијата на Бугарите од Македонија, при што додал дека „Бугарија високо ги вреднува врските со Северна Македонија и со нејзините сонародници во неа“.
Османи: Преку сеопфатен документ ќе се решаваат прашањата со Бугарија
„Пред да се отвори вратата за преговори, треба да се види јасен и одржлив процес на искоренување на јазикот на омразата. Бугарија сериозно ги сфаќа проблемите на македонските Бугари и високо го цени нивното мислење како побрзо Северна Македонија да го постигне членството во ЕУ“, рече тој.
Според него, тргањето на страна на политичките проблеми, порано или подоцна ќе доведе до блокирање на процесот на европска интеграција на Македонија, нешто, што според него, Бугарија категорично не го сака.
„Јас барам да има јасни гаранции и одржлив процес на европската интеграција на Република Северна Македонија. Бугарија е земјата којашто сака тоа да се случи најмногу“, рече Радев и додаде дека впишувањето на македонските Бугари во македонскиот Устав, освен што ќе доведе до гарантирање на нивните права, треба да биде и задолжителен услов за давање согласност од страна на Бугарија за почеток на преговорите.
Според него, тоа во никој случај не е мешање од страна на Бугарија во внатрешните работи на Македонија, туку, вели тој, повеќе „загриженост и поддршка за нејзиниот одржлив пат кон членството во ЕУ“.