Девет години затвор за Груевски во случајот „ТНТ“, Јанакиески осуден на три
Поранешниот премиер Никола Груевски доби девет години затвор по денешната пресуда во случајот ТНТ, кој се однесува на рушењето на објектот „Космос“ во 2011 година. Судот исто така одреди три години затвор за поранешниот министер за транспорт и врски Миле Јанакиески, како и четири години за поранешниот градоначалник на Гази Баба Тони Трајковски.
Случајот ТНТ се однесува на уривањето на објектот Космос на бизнисменот Фиат Цановски. Во случајот четири години затвор доби и тогашната градежна инспекторка Елизабета Најдовска, а три службени лица од Општина Гази Баба добија ослободителна пресуда.
Обвинетите се гонеа за кривично дело злоупотреба на службената положба и овластување.
По Траекторија, одложен и ТНТ, Миле Јанакиески во изолација
Судот ги отфрли помилувањата дадени за овој случај, како што образложи, бидјеќи тие биле дадени без законска основа.
За алучајот Цановски побара оштета од скоро 60 милиони денари, што по неколку вештачења ја смени сумата велејќи дека штетата изнесува 40 милиони евра - сума која вечеше дека треба да му се ислпати поради загубите од уривањето на станбено-деловниот комплекс.
Во обвинението на Специјалното јавно обвинителство, беше наведено дека обвинетите во 2011 година сториле кривично дело од политичка омраза со уривање на комплексот Космос на Фијат Цановски.