Еден студен повреден во судири со полицијата во Солун
Еден студент е сериозно повреден, а според дел од грчките медиуми го загубил слухот на едното уво, откако бил удрен со шок бомба од полицијата во инцидентите што претпладнево се случија пред Универзитетот „Аристотел“ во Солун, а повреден е и еден полицаец, јави дописничката на МИА од Атина.
Грчката влада го стега притисокот врз универзитетите
Инцидентите и овој пат беа пред делот од Универзитетот каде што се работи на изградба на библиотека, односно во простор што претходно, со години беше под опсада од анархисти.
Од грчката полиција соопштија дека додека полицијата ги обезбедувала градежните работи на приземјето на Универзитетот, била нападната од група од околу 120 лица и биле повредени еден полицаец и едно друго лице.
Како што објавија грчките медиуми, студентот со шок бомба бил повреден во пределот на главата, пренесен во болница, а го загубил слухот на едното уво.