Нови 290 случаи на коронавирус за време на викендот, нема починати
Во изминатите три дена (од први од трети јули) регистрирани се 290 нови случаи на позитивни на ковид-19 од направени 1.695 тестови, соопшти Министерството за здравство.
Во Скопје има 186 нови случаи, потоа следат Охрид – 18, Битола – 14, Прилеп – 9, Куманово и Велес – по 8, Кавадарци – 7, Тетово, Струмица и Кочани – по 5, Штип и Струга – по 4, Гостивар, Кичево и Гевгелија – по 3, Неготино, Делчево и Дебар – по 2, Пробиштип и Македонски Брод – по 1.
Летните одмори ги зголемија бројките на Ковид 19 - докторите апелираат на внимателност
Од вкупниот број на позитивни (290), регистрирани се 49 реинфекции.
Регистрирани сe 250 оздравени пациенти.
Во текот на изминатите 3 дена (од 01.07 до 03.07.2022) не е пријавено ниту едно починато лице. Согласно Регистарот на умрени лица со дијагноза ковид-19 од Мој Термин не се регистрирани починати лица.
Вкупната бројка на ковид-дијагностицирани лица во земјата од почетокот на епидемијата изнесува 314.501, бројот на оздравени пациенти е 304.239, на починати е 9.327, а бројот на активни случаи изнесува 935.