Уставен - На изградба на автопатите работниците нема да работат по 60 часа неделно
Иницијативата пред Уставен суд ја поднесоа здружението за работнички права „Гласен Текстилец“, Сојузот на синдикати на Македонија (ССМ) и Синдикат за градежништво, индустрија и програмирање на Република Македонија (СГИПРМ).
Претседателката на „Гласен Текстилец“-Штип, Кристина Ампева ја поздравува одлуката на Уставниот суд. Според Ампева, пресудата е во полза на работниците и во корист на нивните права.
Од ССМ велат дека Уставен суд одлучи во корист на работниците.
Коридор 8 е делница: Тетово – Гостивар – Букојчани и проектот за автопатот Требеништа – Струга – Ќафасан, а Коридорот 10 е делница на автопатот Прилеп – Битола.
Автопати во четири очи го зголемуваат ризикот од корупција
Законот за изградба на автопати без тендер со американско-турскиот конзорциум Бехтел и Енка беше донесен на 15 јули минатата година.
Законот беше донесен со 55 гласови за, и ниту еден против или воздржан. Опозициската ВМРО-ДПМНЕ имаше одредени забелешки на законот, но не гласаше против.
Законот предвидува директни преговори за изградба на автопатите по принципот „клуч на рака“ - од физибилити студија, проект до целосна изведба.
Во владата постојано повторуваат дека овој начин на изградба ќе ги даде најбрзите и најоптимални резултати.