Стопанската комора за проблемот со цената на струјата и опстанокот на фирмите

Стопанската комора на Северна Македонија на денешната прес-конференција, како што е најавено, ќе се осврне врз проблемот со цената на струјата од која зависи опстанокот на фирмите и работните места. На средбата, што во јули се одржа меѓу Македонската енергетска асоцијација и претставници на Владата, беше побарано да се зголеми домашното производство на електрична енергија со вклучување на ТЕЦ Неготино и гасната електрана ТЕ-ТО, електричната енергија произведена од повластените производители на енергија односно т.н. зелена енергија повторно да биде наменета само за потребите на индустриските капацитети кои набавуваат струја на слободниот пазар, како и да се олесни постапката за поставување на фотоволтаици за индустриските капацитети.

Работна средба на Стопанската комора и Владата за енергетската криза

Претседателот на Стопанската комора Бранко Азески во неговата најнова колумна оценува дека спојувањето на енергетската, финансиската и здравствената криза неминовно бара единствена државна агенда. „Неделата „Д“ е пред нас, ние сме подготвени за разговори со потребното ниво на мобилизација и аргументи, но и оценки за моменталната реалност кои што се над најпесимистичките прогнози (512 евра за мегават час, цена на HUPEX берзата на 20.8.2022 година), вели меѓу другото, Азески.