Ковачки ја обвини Петровска за криење луксузен имот, министерката најави тужба за клевета

Пратеникот на ВМРО ДПМНЕ, Димитар Ковачки обвини дека Министерката за одбрана Славјанка Петровска, криела луксузен имот, односно во својот Анкетен лист до ДКСК пријавила само долгови, два кредити и една кредитна картичка, ама не и луксузен имот во Радишани. Петровска ги демантираше обвинувањата и побара извинување од Ковачки

кој на прес-конференција ги изнесе овие тврдења.

ВМРО-ДПМНЕ со нови имиња во аферата „Паразити“, Владата со закон ќе ги уредува платите

„Вистината е дека Славјанка Петровска поседува огромна хациенда со базен во Радишани. Ова е хациендата на Петровска. Во таа хациенда има голем базен, целиот имот е ограден со голема двометарска ограда, што може да се види од следните слики. Ова е евидентниот лист на Петровска од Катастарот на недвижности. Овој имот на Петровска е евидентиран и во Агенцијата за Катастар на недвижности, прибележан во евидентен лист во катастарската општина Радишани. И се наоѓа на улица Радишанска“, рече Ковачки објавувајќи фотографии од имотот.

Секој премиер со свој „омилен бизнис“

Притоа ја повика Петровска веднаш да си поднесе оставка и побара функционерите да бидат отчетни и чесни.

Петровска пак, исто така на прес-конференција, демантираше дека криела имот и ваквите тврдења ги нарече груба лага и манипулација.

„Имотот кој бегалецот Ковачки го посочи, никогаш не сум го поседувала. Единствено што поседував, е плац кој со уредно склучени договори за купопродажба, е оттуѓен, односно продаден пред повеќе од десетина години“, рече Петровска.

Таа му даде рок од 24 часа на Ковачки да се извини за. како што рече, овие невистини, и на неа и на семејството кое како што појасни, сега сега легално живее на овој имот во Радишани. Во спротивно најави тужба за клевета.