Временска прогноза- Натпросечно топло
Времето денеска ќе биде променливо облачно со сончеви периоди. Минималната температура ќе биде во интервал од 0 до 6, а максималната ќе достигне од 12 до 20 степени.
Во Скопје максималната температура ќе достигне до 16 степени.
И во наредните денови ќе продолжи периодот на стабилно и релативно топло време со дневни температури кои на повеќе места ќе бидат над просекот за овој период од годината.
Утре ќе има преодно зголемување на облачноста, со умерен до засилен ветер од северозападен правец и со благ пад на дневните температури. Поголемо наоблачување се очекува и на крајот од работната недела.